काठमाडौं : रुसले आफ्ना तीन कूटनीतिज्ञलाई निष्काशित गरेको छ । विपक्षी नेता एलेक्सी नाभाल्नीको समर्थनमा भएका प्रदर्शनमा सहभागी भएको अभियोगमा रुसले जर्मनी, स्वीडेन र पोल्याण्डमा रहेका आफ्ना तीन कूटनीतिज्ञलाई निष्काशित गरेको हो ।
विपक्षी नेता नाभाल्नीलाई यो हप्ताको सुरुमा जेल सजाय भएको थियो । जनवरी २३ मा भएको अवैध प्रदर्शनमा सहभागी भएकाले तीन कूटनीतिज्ञलाई निष्काशित गरिएको रुसी विदेश मन्त्रालयले जारी गरेको वक्तव्यमा उल्लेख छ ।
जर्मनी, स्वीडेन र पोल्याण्डले रुसी निर्णयको विरोध गरेका छन् । बेलायत, फ्रान्स र युरोपेली युनियनले पनि सो घटनाको विरोध गरेका छन् । रुसी राष्ट्रपति भ्लादिमिर पुटिनका कट्टर आलोचक नाभाल्नीलाई गएको अगस्टमा विष दिएर मार्ने प्रयास भएको थियो ।
५ महिनाको उपचार पछि जर्मनीबाट स्वदेश फर्किएका उनलाई विमानस्थलबाटै नियन्त्रणमा लिइएको थियो । स्थानीय अदालतले नाभाल्नी विरुद्ध साढे ३ वर्षको जेल सजाय सुनाएको छ । नाभाल्नीको रिहाइको माग गर्दै रुससहित विभिन्न देशमा प्रदर्शन हुँदै आएको छ । रुसमा भएका प्रदर्शनमा प्रहरीले बल प्रयोग गरेको जनाइएको छ ।
प्रकाशित :माघ २४, २०७७
तपाईको प्रतिक्रिया