जनकपुरधाम । कमला नगरपालिकामा आपतकालीन पोषण कार्यक्रम अन्तर्गत गर्भवती तथा सुत्केरी आमाहरुलाई पौष्टिक अहार वितरण गरिएको छ ।
धनुषाको कमला नगरपालिकामा मंगलबार यू.एन, डब्लू.एफ.पीको सहकार्यमा लाइफ नेपालदद्वारा षौष्टिक आहार वितरण गरिएको हो ।
उक्त पालिका क्षेत्रभित्रका रहेका ६ देखि २३ महिनासम्मका बालबालिका, सुत्केरी तथा गर्भवती आमाहरुका स्वास्थ्यलाई मध्यनजर गर्दै पौष्टिक आहार वितरण कार्यक्रम गरिएको थियो ।
यसैगरी आहार वितरण कार्यक्रममा उपस्थित महिलाहरुलाई मातृ स्वस्थ्य सम्बन्धि सचेतनासमेत गराइएको थियो ।
उक्त कार्यक्रमा कमला नगरपालिकाका निमित्त प्रमुख प्रशासकिय अधिकृत बिरेन्द्रकुमार सढानले पौष्टिक आहार वितरण गर्दै त्यसको महत्व र उपयोगीता बारे जानकारी दिएका थिए ।
पालिकास्थित वडा नं. १ को कार्यालय तथा स्वास्थ्य चौकी माचिझिटकैयामा कात्तिक ९ गते बिहान १०ः३० बजेदेखि आहार वितरण गरिएको थियो भने १० गते वडा नं. ३ को कार्यालय तथा स्वा. चौकी बल्हासघारामा, ११ गते स्वा. चौकी लक्कड तथा वडा कार्यालय नं. ६ मा त्यसैगरी १२ गते वडा नं.७ को वडा कार्यालय तथा स्वा. चौकी हरीने र १३ गते स्वा. चौकी दुवरकोटमा सोही समयमा उक्त आहार वितरण हुने अधिकृत सढानले जानकारी दिए ।
सूचना:
तपाईको प्रतिक्रिया