धनुषा ३बाट राष्ट्रिय स्वतन्त्र पार्टी (रास्वपा)का उम्मेदवार मनिष झाले जनकपुरधाममा अहिले आएर ‘जय घण्टी’ अभिभावदनको नारा बनिसकेको बताएका छन् ।
उनले परिवर्तनको शंखनाद भईरहेको समयमा अहिले आएर जय घण्टी जन जनको ओठमा बसिसकेको बताए । उम्मेदवार झाले आफूहरुलाई घरदैलोको क्रममा मतदाता आफै जय घण्टीको अभिवादनसहित स्वागत गर्दा देशमा परिवर्तनको शंखनाद भईसकेको जस्तो महशुश हुने गरेको बताए । उनले भने ‘मन्दिरमा भगवानको दर्शन गर्न जाँदा जसरी घण्टी बजाएर भगवानलाई जगाउँछौँ त्यसरी नै घण्टीले यहाँका जनता तथा मतदातालाई जगाएको छ ।’ मतदाता यसरी जागेका छन् कि यस पटकको निर्वाचनमा परिवर्तन निश्चित रहेको दावी समेत उनले गरे । अब जातिपाती वा परिवारका लागि नभई देशको समृद्धिका लागि राजनीति हुने झाले बताए । उनले अबको राजनीति देशको समृद्धिका लागि, सार्वजनिक सेवामा सुधारकालागि, सुशासनकालागि हुने बताए ।
मंगलबार उम्मेदवार झा धनुषा निर्वाचन क्षेत्र नम्बर ३ अन्तर्गत मुखियापट्टी मुसहरनिया तथा तुल्सियाहीमा घरदैलोकालागि पुग्दा त्यहाँका स्थानीयले न्यानो स्वागत गरेका थिए । यस अघि मंगलबार नै उम्मेदवार झाले जनकपुरधामस्थित बार एसोसिएसनमा अधिवक्ताहरुसंग अन्तरकृया समेत गरेका थिए ।
तपाईको प्रतिक्रिया