जनकपुरधाम । प्रदेश २ का आन्तरिक मामिला तथा संचार मन्त्री भरतप्रसाद साहले विपन्न वर्गका लाई प्रदेश सरकारबाट निः शुल्क स्वस्थ्योपचारको व्यवस्था हुनुपर्ने बताएका छन् ।
आन्तरिक मामिला तथा संचार मन्त्री साहको प्रमुख आतिथ्यमा महोत्तरी जिल्लाको फूलकाहामा निः शुल्क आँखा जाँच एवं स्वास्थ्य परिक्षण शिविरको समुद्घाटन भएको छ ।
महोत्तरी जिल्लाको गौशाला नगरपालिकास्थित वडा नम्बर ६ फूलकाहामा मंगलबार निशुल्क आँखा जाँच एवं स्वास्थ्य परिक्षण शिविरको उद्घाटन मन्त्री साहले गरेका हुन् ।
मन्त्री साहले, वृद्धा, महिला, बालबालिका, शारिरीक रुपमा आपाङ्गता तथा आर्थिक रुपमा कमजोर हुने परिवारका लागि गाउँ टोलमा निः शुल्क स्वास्थ्य शिविरको व्यवस्था गर्दा धेरैले लाभ उठाउन पाउने बताए । ‘आफ्नै गाउँ ठाउँमा स्वास्थ्य जाँच गर्न पाउँदा स्वास्थ्यमा लाग्ने खर्च जोगिनुका साथै समयको पनि बचत हुने गरेको बताए । महिला तथा वृद्धवृद्धाहरुलाई घरबाट टाढा गएर चेकजाँच गराउन अलि झन्झट मान्ने गर्छन् त्यसको लागि यो शिविर पाएक पर्ने ठाउँमा हुँदा उहाँहरुलाई सजिलो हुने गरेको मन्त्री साहले अभिव्यक्ति व्यक्त गरेका थिए ।’
उक्त शिविरमा आँखाका बिरामी जम्मा १४० जना तिए त्यसमध्ये ४१ जना मोतिया बिन्दुका बिरामी भेटिए । रामजानकी आँखा अस्पताल जनकपुरले मोतिया बिन्दुको निः शुल्क शल्यक्रिया गर्ने भएको वडा अध्यक्ष नथुनी राउतले जानकारी दिए ।
यसैगरी महिला रोगका विरामी १८५ जना थिए भने १०२ जनामा दाँतको समस्या देखा परेको छ ।
बालबालिका सम्बन्धि समस्या ४७ जनामा र जम्मा विरामी मध्ये ३५ जनामा फिजियोथेरापी सम्बन्धि समस्या देखिएको छ ।
गौशाला वडा नम्बर ६ को वडा कार्यालयद्वारा आयोजित ‘स्वास्थ्य परिक्षण कराउ, निरोगी एवं स्वास्थ्य जिवन बिताउ’ नाराका साथ स्वास्थ्य शिविर संचालन भएको संचालन गरिएको निः शुल्क स्वास्थ्य शिविरबाट जम्मा ७ सय ४२ जना स्थानीयले लाभ लिएका छन् ।
शिविरमा जनकपुरका चिकित्कसकहरु, नगरपालिका तथा वडा कार्यलयका कर्मचारीहरु लगायतको उपस्थिती रहेको थियो ।
तपाईको प्रतिक्रिया