जनकपुरधाम । मधेश भवन परिसरभित्र प्रदेश मुद्रण छापाखानाको शिलान्यास भएको छ ।
प्रदेशको अस्थायी राजधानी जनकपुरधामस्थित जनकपुरमा सोमबार एक कार्यक्रमका बिच प्रदेश २ का आन्तिरिक मामिला तथा संञ्चार मन्त्री भरतप्रसाद साहले छापाखाना भवनको शिलान्यास गर्नुभएको हो ।
छापाखाना संचालनमा आउदा प्रदेशलाई फाइदा हुने तथा छपाईमा गोपनीयता रहने जानकारी दिए । उहाँले भन्नु भयो, प्रदेशमा शिक्षा क्षेत्रमा भइरहेको लापरवाही परिक्षा पत्र समयभन्दा पहिले बाहिर आउने जस्ता समस्यालाई छापाखानाले न्युन हुन्छ ।
मन्त्री साहले छापाखानाका संचालनका लागि आवश्यक सामाग्री पनि मन्त्रालयले छिटै नै ल्याउने बताए । शुभ कामका ढिलाई नगरी यो कार्य चाँडौ भन्दा चाँडो सम्पन्न गर्न निर्माण कम्पनीसँग आग्रह समेत गरेका छन् ।
यसैगरी कार्यक्रममा आम सञ्चार प्रधिकरण प्रदेश २ का अध्यक्ष श्यामसुन्दर यादवले प्रदेशमा छापाखाना सञ्चालनको सुरुवात सरहानीय कार्य रहेको बताउँदै प्रदेशमा रहेका सरकारी सञ्चार माध्यमहरुको संरक्षण गर्नु प्रदेश सरकारको दायित्व रहेको बताए । र पत्रकारका लागि बिमाको व्यवस्था हुनुपर्ने विषयलाई पनि ध्यानाकर्षण गराएका थिए ।
यसैगरी चलचित्र तथा लोक सञ्चार बार्डका सदस्य अशोक दत्तले प्रदेश मुद्रण छापाखाना व्यवस्थित तथा आदर्श छापाखाना स्थापित बताउदै जनकपुर चुरोट कारखानामा रहेको छापाखाना गुणस्तरिय रहेको जिकिर गरे ।
उक्त छापाखाना निर्माणका लागि कुल लागत ३ करोड १५ लाख ४६ हजार ६ सय ८२ रुपैयाँ रहेको छ भने अतरिया निर्माण सेवा प्रालिसँग पन्ध्र महिनाभित्र निर्माण कार्य सम्पन्न हुने गरी २ करोड चार लाख ९१ हजार पाँच सय १७ रुपियाँको लागतमा सम्झौता भएको मन्त्रालयका निमित्त सचिव सुरेन्द्र महतोले जानकारी दिए । साथै भवन निर्माणका प्राविधिक जानकारी मन्त्रालयमा कार्यरत इन्जिनियर जितेन्द्र महराले दिए ।
आन्तरिक मामिला तथा सञ्चार मन्त्रालयले आयोजना गरेको शिलान्यास समारोहमा संघिय सांसद दिल कुमारी साह, सोही मन्त्रालयका राज्यमन्त्री रुबी कुमारी कर्ण, सुरक्षा निकायका प्रतिनिधि, मिडिया काउन्सिलका प्रतिनिधिहरु अर्जुन मण्डल र कैलाश दास, चलचित्र तथा लोक सञ्चार बार्डका सदस्यहरु पुष्पा कुमारी यादव तथा बि.एन पटेल साथै मन्त्रालयका कर्माचारीले किशोरी शरण यादव, शम्भुनाथ झा, लगायतको उपस्थिति रहेको थियो ।
तपाईको प्रतिक्रिया