एसिड पीडित खातुनलाई सरकारको आर्थिक सहयोग

जनकपुरधाम । एसिड आक्रमणबाट पीडित मुस्कान खातुनलाई सरकारले ३ लाख रुपैयाँ दिने भएको छ ।

बुधबार बसेको मन्त्रिपरिषद्को बैठकले खातुनलाई आर्थिक सहयोग स्वरुप सो रकम दिने निर्णय गरेको हो ।

दुई वर्षअघि मुस्कान तेजाब हमलाको सिकार भएकी थिइन् । अनुहार र शरीरमा चोट लागेकी उनले आफू पीडित भएयता एसिड आक्रमण गर्नेलाई कडा कारबाही हुनुपर्ने विषयमा आवाज उठाउँदै आएकी छन् । हालसालै मुस्कानले अमेरिकाको प्रतिष्ठित पुरस्कार पाएकी थिइन् ।