जनमत पार्टीका केन्द्रीय अध्यक्ष डा. सीके राउतले किसान आन्दोलन अन्तर्गत पुस ३० गते सबै जिल्लाको सदरमुकाममा महारैली गर्ने घोषणा गरेका छन् ।
फेसबुकमा रहेको आफ्नो सचिवालय पेजमार्फत डा. राउतले यस्तो घोषणा गरेका हुन् । किसानलाई मलखाद सहज रुपले समयमा दिनुपर्ने, सिँचाईको व्यवस्था गर्नुपर्ने, किसानलाई पेन्सन दिनुपर्ने लगायतका ११ बुँदै मागको अर्थ लाग्ने रचनात्मक जुलुस निकाल्ने उनले बताएका छन् ।
घोषणा गरिएको कार्यक्रममा उच्चस्तरीय समिति गठन गर्न भैंसी जुलुस निकाल्ने उल्लेख छ । यसको अर्थ सत्ताधारीहरू केही मतलब नगर्ने भैंसी भयो भन्ने रहेको अध्यक्ष डा. राउतको भनाई छ ।
यस्तै किसान कार्डको व्यवस्था गर्न भोट कार्ड र प्लाकार्ड देखाएर प्रदर्शन गर्ने, किसानको पेन्सनका लागि गोरू र्याली, गोरूगाडा र्याली, हलो र्याली र कोदालो र्याली गर्ने जस्ता कार्यक्रम तय गरिएको छ ।
अध्यक्ष डा. राउतले आन्दोलन सफल पार्न सम्बन्धित निकायमा ज्ञापनपत्र दिने, प्रचार प्रसार गर्ने र युवा दस्ता बनाउने कार्यहरू सुचारू राख्न कार्यकर्तालाई निर्देशन दिएका छन् ।
हेर्नुस् राउतले घोषणा गरेको कार्यक्रमहरु :
१. उच्चस्तरीय समिति गठन, – भैंसी जुलुस निकाल्ने
(अर्थ: सत्ताधारीहरू केही मतलब नगर्ने भैंसी भयो भनेर)
२. किसानकार्डको व्यवस्था – भोट कार्ड, प्लाकार्ड देखाएर प्रदर्शन
(अर्थ:भोटकार्ड दिने, किसान कार्ड खै ? भोट लिने भए किसान कार्ड देऊ)
३. किसानको पेन्सन, – गोरू र्याली, गोरूगाडा र्याली, हलो र्याली, कोदालो र्याली
(अर्थ:जीवनभरि जोतिएर वृद्धावस्थामा कोदालो, हलो, गाडामा जोतिन नसके कसरी बाँच्ने?)
४. बालीनालीको स्वत: वीमा, – खाली “ढकिया/छिटा”, खाली “बहिंगा” र्याली
(अर्थ: लगाएको बाली उब्जेन, स्वत: वीमा नगरे कसरी बाँच्ने?)
५. कृषि मीटरको #बिजुली #निशुल्क – बाल्टिन र्याली, कृषि मोटर र्याली, बिजुली तार लिएर र्याली
(अर्थ: सिंचाई छैन, सिंचाईको व्यवस्था गर कि बिजुली फ्री गर)
६. मलखाद र बीउबिजनको व्यवस्था – खाली खाद बोरा र्याली, सडकमा माटो छर्ने र्याली
(अर्थ: मलखाद छैन / बीउ नभए माटो छरेर फसल हुन्छ त ?)
७. बालीक्षतिपूर्ती वापत् राहत, – भिजेको बाला र्याली, परालको भारी बोकेर र्याली, नाङ्लो (“सुप”) र्याली, झाडू र्याली
(अर्थ: बालीनाली क्षति भयो, राहत देऊ)
८. फसलको उचित समर्थन मूल्य निर्धारण – तराजु र्याली
(अर्थ: उचित मूल्य निर्धारण गर)
९. उखु किसानको भुक्तानी – उखु र्याली
१०. मुद्दा फिर्ता, किसानमाथिको दमन बन्द – जाल र्याली, “जुवाली/चाबुक” र्याली, लाठी जुलुस
(अर्थ: फसाउने काम बन्द गर, दमन गर्ने काम बन्द गर)
११. आन्दोलनकारी रिहा – दाम्लो/सिक्रीले हाथ बाँधेर र्याली
(अर्थ: किसानलाई मुक्त गर)
तपाईको प्रतिक्रिया