जनकपुरधाम । हंसपुर नगरपालिकामा एकदिने निःशुल्क स्वास्थ्य शिविर सञ्चालन हुने भएको छ ।
धनुषास्थित हंसपुर नगरपालिका–४ मा यहि फागुन २२ गते स्वास्थ्य शिविर सञ्चालन हुने भएको हो ।
उक्त स्वास्थ्य शिविर युवा समाजसेवी हिन्दू अभियन्ता जयकुमार यादवको आयोजनामा हुनगइरहेको जनाइएको छ ।
पालिकाको वडा नं. ४ को सुगा मधुकरहीको पछाडीको टोलमा रहेको जनता निम्न माध्यमिक विद्यालयमा अनुभवी विशेषज्ञ डाक्टरहरुद्वारा स्वास्थ्य चेक जाँच गरिने आयोजक जयकुमार यादवले जानकारी दिए । सो शिविरमा आँखा, दाँत, नसा तथा हाडजोर्नी एवं. स्त्रीरोग सम्बन्धि विशेषज्ञहरुबाट जाँच हुने आयोजक यादवले जानकारी दिए ।
युवा समाजसेवी यादवको एकल प्रयासमा भइरहेको एकदिने स्वास्थ्य शिविरमा ७ सयदेखि ८ सय बिरामी जाँच गरिने लक्ष्य लिएको बताए । उनले भने,‘एकदिने स्वास्थ्य शिविरमा देशको जुनसुकै स्थानबाट आएकालाई पनि सोही दिन निशुल्क जाँच र निःशुल्क औषधि समेत वितरण गरिने छ । सोही शिविरबाट छनोट भएका मोतीया बिन्दुका बिरामीहरुको निःशुल्क शल्यक्रिया समेत गरिने समाजसेवी यादवले बताए ।
गाउँ गाउँमा स्वास्थ्य शिविर सञ्चालन गर्दा स्थानीयले आफ्नै घरदैलोमै सेवा सुविधा पाएको आयोजक समेत रहेका यादवले बताए ।
उक्त शिविरमा मुख तथा दाँत रोग विशेषज्ञ डा. राजिवकुमार सिंह, स्त्रि रोग विशेषज्ञ डा.रीना साह र हाड जोर्नी तथा नसा रोग विशेषज्ञ डा. रवि श्रीवास्तवसहित ८ जनाको डाक्टरको टोली रहने छ ।
बिरामी जाँच गरिने समय बिहान १० बजेदेखि साँझ ५ बजेसम्म हुनेछ ।
तपाईको प्रतिक्रिया