जनकपुरधाम । मुख्यमन्त्री लालबाबु राउतले मानव अधिकार रक्षाको सबालमा प्रदेश सरकार संवेदनशिल रहेको बताउनु भएको छ ।
राष्ट्रिय मानव अधिकार आयोगले जनकपुरमा आयोजना गरेको दुई दिवसीय मानव अधिकार रक्षक प्रादेशिक सम्मेलनको उद्घाटन गर्नु हुँदै मुख्यमन्त्री राउतले प्रदेश सरकार मानव अधिकारको रक्षाको सवालमा स्थापना काल देखी नै संवेदनशिल भएर अघि बढेको बताउनुभयो ।
प्रदेश सरकारले निर्माण गरेको नियम कानूनहरुमा मानव अधिकारको विषयलाई प्राथमिकतामा राखेको उल्लेख गर्नु हुँदै मुख्यमन्त्री राउतले आफनो अधिकारको प्रयोग गर्दा अरुको अधिकार हनन नहोस भनि ख्याल मात्रै गरि दिए मानव अधिकार रक्षाको सवालमा हाम्रो समाज ठुलो फडको मार्ने विश्वास व्यक्त गर्नुभयो ।
मानव अधिकार रक्षाको सवालमा प्रदेश सरकार प्रतिवद्ध रहेपनि प्रहरी प्रशासनको आभावमा अपेक्षीत कार्य गर्न नसकेको स्वीकार गर्नु हुँदै मुख्यमन्त्री राउतले प्रहरी प्रशासनको हस्तान्तरण भए लगतै मानव अधिकार उल्लंघनको घटनाहरु नियन्त्रणमा फडको मार्ने विश्वास व्यक्त गर्नु भयो ।
मुख्यमन्त्री राउतले सम्मेलनले दिने सल्लाह सुझाव प्रदेश सरकारका लागी उपयोगी हुनेसमेत उल्लेख गर्नु भयो ।
मानव अधिकार आयोगका सदस्य मिहिर ठाकुरको अध्यक्षतामा भएको उद्घाटन सत्रमा उच्च अदालतका मुख्यन्यायाधिश विनोद शर्मा, नेपाल बार एशोसिएशनका राष्ट्रीय उपाध्यक्ष रामचन्द्र सिंह, मानव अधिकार रक्षक संजालका केन्द्रिय अध्यक्ष श्यामा साह , गैर सरकारी संस्था महासंघका प्रदेश अध्यक्ष धिरेन्द्र बहादुर सिंह सहितका वक्ताहरुले शुभकामना मन्तव्य राख्नु भएको थियो ।
तपाईको प्रतिक्रिया