जनकपुरधाम । जनकपुरधामको पर्यटन प्रवद्र्धनमा विभिन्न क्षेत्रमा लामो समयदेखि योगदान पु्रयाउदै आएका व्यक्तित्वहरुलाई एक कार्यक्रमका बिच सम्मान गरिएको छ ।
मंगालबार जनकपुरधाम उपमहानगरपालिकाद्वारा आयोजित जनकपुरधामको पर्यटन प्रवद्र्धनका लागि कार्यशाला गोष्ठिमा जनकपुरधामको भेषभुषा, कला, संस्कृति लगायतका क्षेत्रमा विभिन्न विधाका माध्यमबाट योगदान पुर्याउदै आउनुभएका व्यक्तित्वहरुलाई सम्मान गरिएको हो ।
जनकपुरधामको पर्यटन प्रवद्र्धनमा योगदान पुर्याएका विभिन्न व्यक्तित्वहरुलाई जनकपुरधाम उपमहानगरपालिकाको तर्फबाट सम्मानपत्र तथा मिथिला सेन्टर अमेरिकाको तर्फबाट न्यूवर्क राज्य विधानसभाबाट प्रमाणित पमाणपत्र समेत प्रदान गरिएको थियो ।
यसैगरी दिगो विकासका लक्ष्यका प्रतिक मानिने मिथिला चित्र जुन नेपाल सरकारको हुलाक टिकटमा समेत समावेश गरिएको छ ति महिला चित्रकारहरुलाई ११ हजार नगदसहित सम्मान गरिएको थियो ।
सम्मानित हुनेमा साहित्यकार डा. राजेन्द्र बिमल, संस्कृतिविद् रामबाबु ढकाल, युएनका पूर्व अधिकारी नवलकिशोर यादव,मिथिला नट्यकला परिषदका अध्यक्ष प्रमेश झा, पूर्व अध्यक्ष एवं गीतकार शुनिल मल्लिकसहित मिनापका सदस्यहरु, ललित काला प्रज्ञा प्रतिष्ठानका प्राज्ञ इवं वरिष्ठ चित्रकार एस.सी सुमन, डा. रामदयाल राकेश,पत्रकार एवं साहित्यकार रामभरोस कापडी, नारी विकास कोषकी संस्थापक क्लियर वर्केट, मिथिला केन्द्र अमेरिकाका संस्थापक अमितप्रसाद साहले लगायतका व्यक्तिहरु समेत सम्मानित भएका थिए भने नगदसहित सम्मानित हुने चित्रकारहरु मञ्जुला ठाकुर, जयकाली मुखिया, अमृता दत्त, राजकुमारी मण्डल,सेलो यादव, सुमित्रा यादव,रेवती मण्डल, पानो दास, मधुमाला मण्डल, चन्द्र रेखा यादव, अञ्जना दास,कोमल पुर्वे, रेणु यादव र निर्मला राम हुन् ।
जनकपुरधाम उपमहानगरपालिकाका प्रमुख लालकिशोर साहको अध्यक्षतामा सम्पन्न सो कार्यशाला गोष्ठीमा वक्ताहरुले पर्यटन प्रवद्र्धनमा जनकपुरधामवासीले खेल्न सक्ने भूमिकाको विषयमा चर्चा गरेका थिए ।
तपाईको प्रतिक्रिया