प्रम देउवा शुक्रबार भारत जाँदै, रेल उद्घाटन हुने निश्चित

जनकपुरधाम । प्रधानमन्त्री शेरबहादुर देउवाको भारत भ्रमण निश्चित भएपछि नेपाल रेल्वेको समुद्घाटन हुने भने पक्का भएको छ ।

प्रधानमन्त्री देउवा चैत १८ देखि २० गते सम्मका लागि भारत भ्रमणमा जान लागेका हुन् ।
नेपाल रेल्वेले पनि प्रधानमन्त्री देउवा र भारतीय प्रधानमन्त्री नरेन्द्र मोदीले संयुक्त रुपमा रेल्वेको समुद्घाटन गर्ने जानकारी दिइएको छ ।
प्रधानमन्त्री देउवा र प्रधानमन्त्री मोदीले हैदरावादबाट भर्चुवल प्रविधिबाट रेल्वेको समुद्घाटन गर्ने नेपाल रेल्वेले जनाएको छ । हुनत प्रधानमन्त्री देउवाको भारत भ्रमणको कार्यतालिकामा नेपाल रेल्वेको समुद्घाटन कार्यक्रम उल्लेख छैन् । तर, हैदरावादमा भारतीय प्रधानमन्त्री मोदीसंग मन्त्रीमण्डलको भेटवार्ता गर्ने कार्यक्रम रहेको छ । सोही अवसरमा हैदरावादबाट नै नेपाल रेल्वेको समुद्घाटन हुने जनाइएको छ । यसैवीच नेपाल तथा भारतीय प्राविधिकहरु रेल्वे सञ्चालनकालागि तैयारीमा जुटि सकेका छन् । भारतीय प्राविधिकहरु पनि जनकपुरधाम पुगि सेकेका छन् । दुवै देशका प्राविधिकहरु रेल्वेको नियमित निरीक्षण र अनुगमनमा छन् ।

समुदघाटनको कार्यक्रम जनकपुधाममा समेत राखिएको छ । रेल्वेका महाप्रवन्धक निरञ्जन झाले दिएका जानकारी अनुसार नेपाल र भारतका प्रधानमन्त्रीहरु हैदरावादवाट भर्चुवल प्रविधिवाट हरियो झण्डा देखाई रेल्वेको समुद्घाटन गर्नेछन्