गौर,१३ कार्तिक । रौतहटको गौर नगरपालिकामा सिर्जनशिल सिर्सिया समाजको सम्मान कार्यक्रम सम्पन्न भएको छ । वडा नं. ९ स्थित सिर्जनशिल सिर्सिया समाजको आयोजना तथा सिर्जनशिल सिर्सिया समाजको संयोजक रामबाबु साहको अध्यक्षतामा सम्पन्न कार्यक्रममा विभिन्न क्षेत्रमा कार्यरत ३२ जना भन्दा बढि व्यक्तिहरुलाई सम्मान गरिएको आयोजक संस्थाले जनाएको छ ।कार्यक्रममाका प्रमुख अतिथि गौर नगरपालिकाकी उप प्रमुख तथा मानव सेवा केन्द्रकी अध्यक्ष किरण ठाकुरले सिर्जनशिल समाजले उदाहरणीय कार्य गरेको बताउनुभयो ।
सिर्जनशिल सिर्सिया समाजले बिगत ६ वर्ष देखि विधार्थी, अवकाश प्राप्त शिक्षक,विभिन्न सेवामा कार्यरत कर्मचारीहरुलाई सम्मान गर्दा सिर्सियावासीको युवाहरुमा थप उर्जा प्रदान गरेको उपप्रमुख ठाकुरले बताउनुभयो ।उहाले अर्को प्रसंगमा बोल्नु हुदैँ समाजमा अहिले पनि विभेद विधमान रहेको बताउनुभयो । मेयरलाई मेयर साहब र उपमेयरलाई उपमेयर जि भनेर सचेत नागरीकले पनि सम्बोधन गर्ने गरेको छ । उपमेयरलाई नै विभेद भएको छ भने समाजमा कस्तो किसिम्मको विभेद होला प्रश्न गर्दै उपप्रमुख ठाकुरले भन्नुभयो । विभेद अन्तय गर्न हामि साथ साथ हात हातमा मिलाएर गयौँ भने समाजमा हुने विभेद छिटै अन्तय हुने उपप्रमुख ठाकुरले बताउनुभयो ।
सिर्जनशिल सिर्सिया समाजको कोषाध्यक्ष डा.श्रीभगवान ठाकुरले संस्था समाजिक कार्य प्रति जहिले पनि तत्पर रहने बताउनुभयो । सबैको साथ सहयोग रहे प्रत्येक वर्ष हामि यस्ता कार्यक्रमलाई निरन्तरता दिदै थप जिम्मेवारी थप गरी नयाँ कार्य समेत गरिने उहाले बताउनुभयो ।
त्यस्तै सम्मान कार्यक्रममा विपि कोइराला माध्यमिक विद्यालय जोगहा रौतहटमा एस ई ई परिक्षा पास गरेर ३.८५ जिपिए ल्याएर उत्कृष्ट बनेका दलित छात्रा दिपा कुमारी रजकलाई सिर्जनशिल सिर्सिया समाजले स्थापित गरेको रघुवंश सिंह राजपुत र महासुन्दर देवी पुरषकार द्धारा नगद रु ५ हजार प्रदान गरी सम्मान समेत गरेको छ ।
तपाईको प्रतिक्रिया