जनकपुरधाम । नक्कली सामानसहित दुई व्यक्ति पक्राउ परेका छन् ।
धनुषा जिल्ला प्रहरी कार्यालयले नक्कली सामानसहित दुईजना पुरुषलाई पक्राउ गरेको हो ।
पक्राउ पर्नेमा ४३ वर्षीय गणेश साह र जनकपुरधाम उपमहानगरपालिका वडा न. ११ को चन्दन कुमार साह छन् ।
जनकपुरधाम वडा नं. ४ स्थित ४३ वर्षीय गणेश साहको घरमा रहेको मदिरा उत्पादन गर्ने कारखानामा छापा हानी खानतलासी गरी विभिन्न ब्राण्डका नक्कली रक्सीहरु, आन्तरिक राजश्व बिभागले प्रयोग गर्ने स्टिकर, सुपर ग्लु, ग्यास चुल्हा, ग्यास सिलिण्डर, स्प्रिटको बोतलहरु, रक्सी प्याक गर्ने बोतलको बिर्को, तयार भएको खुल्ला रक्सी, आन्तरिक राजश्व कार्यालयले प्रयोग गरि सकेको स्टिकरको पछाडिको कागज समेत फेला परेको साथै नक्कली रक्सी ओसारपसार गर्न ना ४ च ५९४३ नम्बरको पिकअप गाडीमा मदिरा लोड गरिएको अवस्थामा पिकअप गाडि सहित उनीहरुलाई धनुषा प्रहरीले पक्राउ गरेको हो ।
बरामद भएका पिकअप गाडी र विभिन्न ब्राण्डका रक्सीहरु समेत गरी ३१ लाख ७९ हजार ६५८ रुपैया मुल्य कायम गरी आवश्यक कारवाहीको लागि आन्तरिक राजश्व कार्यालय जनकपुरधाममा पठाइएको धनुषा प्रहरी जनाएको छ ।
पक्राउ परेका सामानहरुमा ना.४ च. ५९४३ नं. को पिकअप थान १, सिग्नेचर लेखिएको मदिरा ९ कार्टुन, खुल्ला रक्सी १ कार्टुन, स्प्रिट ६ कार्टुन, ब्लु डाईमण्ड १ कार्टुन, डार्क फोरेस्ट रक्सी १ कार्टुन, भट्टी चुलो १ थान, ग्यास सिलिण्डर थान १ गरी भारतिय तेह्र हजार ३० रुपैयाँ समेत बरामद गरिएको प्रहरीले जनाएको ।
तपाईको प्रतिक्रिया