जनकपुरधाम । धनुषाको धनौजी गाउँपालिका अध्यक्षमा नेपाली काँग्रेसका उम्मेदवार राजकुमार साह निर्वाचित हुनुभएको छ ।
जिल्लाको धनौजी गाउँपालिका अध्यक्षमा २ हजार २ सय ६२ मतले काँग्रेसका उम्मेदवार साह विजयी हुनुभएको हो ।
गाउँपालिका उपाध्यक्षमा पनि काँग्रेसकै उम्मेदवार रावती देवी मण्डल विजयी हुनुभएको छ । उहाँ २ हजार ४ सय ३० मत प्राप्त गरी विजयी हुनुभएको हो । नवनिर्वाचित उपाध्यक्ष मण्डल २०७४ सालको स्थानीय तहको निर्वाचनमा समेत सोही पदमा निर्वाचित हुनुभएको थियो ।
गाउँपालिका अध्यक्ष साहका निकटतम प्रतिद्वन्दी लोकतान्त्रिक समाजवादी पार्टी नेपालका तर्फबाट जीवेन्द्र झाले २ हजार १ सय ६३ मत प्राप्त गर्नुभएको थियो भने उपाध्यक्ष मण्डलका प्रतिद्वन्दी लोसपाकै रंजीता देवी मण्डले १ हजार ९०१ मत प्राप्त गर्नुभएको थियो ।
तपाईको प्रतिक्रिया