जनकपुरधाम । चुरे तथा वनजंगल संरक्षण अभियानीले आन्दोलनसहित असार ३० गते मधेशको राजधानी जनकपुरधाम बन्द गर्ने घोषण गरेका छन् ।
शनिबार जनकपुरधामस्थित पत्रकार सम्मेलन गर्दै चुरे तथा वनजंगल संरक्षण अभियानका संयोजक सुनीलकुमार यादवको संयोजकत्वामा चुरे तथा वनजंगल संरक्षण गरी त्यस क्षेत्रमा भइरहको अनियमिततालाई तत्काल बन्द गर्न विभिन्न माग राख्दै चारदिने दबाबमूलक आन्दोलनसहित मधेशको राजधानी बन्द गर्ने घोषण गर्ने घोषण गरिएको हो ।
संयोजक यादवले उक्त तीनवटा माग तर्फ तीनै तहको सरकारको ध्यान नगए बाध्य भएर असार २७ गतेदेखि चारदिने दबाबमूलक आन्दोलन गर्ने घोषणा ध्यानाकर्षण पत्रमा उल्लेख गरिएको व्यहोरा जानकारी दिनुभयो ।
जसमध्ये मधेशको राजधानी जनकपुरधामस्थित २७ गते सम्बन्धित निकायलाई माग विषयमा ध्यानाकर्षण गराउने, २८ गते मंगलबार दिउँसो लालटेन जुलुस गर्ने, २९ गते भूमिहीन तथा सुकुम्बासी महिलाहरुले झाडुसहितको जुलुस प्रदर्शन गर्ने र ३० गते बिहीबार राजधानी जनकपुरधाम बन्द गर्ने घोषण समेत पत्रकार सम्मेलन मार्फत जानाइएको छ ।
चुरे तथा वनजंगल संरक्षण अभियानीहरुले लामो समयदेखि चुरे क्षेत्र संरक्षणका लागि संघर्ष गर्दै आएकोले चुरे क्षेत्र सम्बन्धि समस्या समाधानका लागि तीनै तहको सरकार जिम्मेवार हुनुपर्ने भन्दै तत्काल तीनवटा माग राखेको व्यहोरा पत्रकार सम्मेलन मार्फत अभियानका संयोजक यादवले जानकारी दिनुभयो ।
तीनवटा मागमध्ये पहिलोमा गत वर्ष भदौ ४ गते मधेश प्रदेश सरकारले चुरे तथा वनजंगल संरक्षण अभियानसँग गरेको सम्झौता कार्यान्वयन हुनुपर्ने, दास्रोमा भूमिहीन, दलित, सुकुम्बासीहरु भूमि अधिकारबाट वञ्चित भएको भन्दै तत्काल तत्काल गाँस, बास र कपासको व्यवस्था गरियोस् र स्थानीय निकायबाट उठिवास लगाउने कार्य बन्द गरियोस भन्ने माग उक्त ध्यानाकर्षण पत्रमा उल्लेख छ । यस्तै तेस्रोमा चुरे क्षेत्रको जग्गा सुकुम्बासी भूमिहीनको नाममा नक्कली भूमिहीनलाई वितरण गर्ने कार्य भइरहेको हुँदा तत्काल यस्ता कार्य बन्द गर्न सरकारसँग माग राखिएको कुरा पत्रमा उल्लेख छ ।
चुरे अभियानीहरुले यसअघि यिनै मागहरु राख्दै आन्दोलन तथा आमरण अनशनमा समेत गर्दै आएका छन् ।
तपाईको प्रतिक्रिया