मधेश प्रदेश सरकार भूमि व्यवस्था कृषि तथा सहकारी मन्त्रालयमा व्यापक भ्रष्टचार भएको भन्दै डा. सि.के. राउत नेतृत्वको पार्टी जनमत पार्टीका कार्यकर्ताले तालाबन्दी गरेका छन् ।
बुधबार जनकपुरधामस्थित भूमि व्यवस्था कृषि तथा सहकारी मन्त्रालयमन्त्रीलाई जनकारवाही गर्न पुगेका कार्यकर्ताले मन्त्रालयमा मन्त्री नभेटिएपछि तालाबन्दी गरेको पार्टीका कार्यकताले बताएका छन् ।
मधेश सरकारको भूमि व्यवस्था कृषि तथा सहकारी मन्त्रालय अन्तरर्गत्का योजनाहरुमा भएको व्यापक भ्रष्टाचारको छानवीन, कृषकहरुको रकम भुक्तानी, किसान आन्दोलनका बेला प्रदेश सरकारले बनाएको अध्ययन प्रतिवेदन सार्वजनिक गर्न र सिँचाईको व्यवस्था गर्न माग गर्दै जनमत पार्टीका कार्यकर्ताले मन्त्रालयमा तालाबन्दी गरेका हुन् ।
जनमत पार्टीको नृतृत्वमा भइरहेको किसान आन्दोलनका माग पुरा नभएसम्म मन्त्रालयको ताला नखुल्ने किसान आन्दोलनका कार्यक्रम संयोजक विजय यादवले बताउनुभयो । यसबिच सरकारले कुनै बल प्रयोग गरी जबरजस्ती गर्न खोजेमा उत्पन्न हुने परिस्थितिको जिम्मेवारी स्वयम् प्रदेश सरकारले नै लिनु पर्ने जनमत पार्टीको भनाइ समेत रहेको छ ।
यसैक्रममा किसान आन्दोलन अन्तर्गत जनमत पार्टीले प्रमुख जिल्ला अधिकारीमार्फत प्रधानमन्त्रीलाई ज्ञापन पत्र बुझाएको छ ।
तपाईको प्रतिक्रिया