डडेल्धुरा, कात्तिक १७ गते । प्रधानमन्त्री शेरबहादुर देउवाले नेकपा एमाले अध्यक्ष केपी शर्मा ओली नेतृत्वको सरकारले दुईदुई पटक सविंधानको बर्खिलाप गरी ससंद विघटन गरेको आरोप लगाएका छन् । चुनावी सभालाई सम्बोधन गर्न गृहजिल्ला पुगेका उनले ओली सरकारले गरेका संविधान विपरीतको काम सुनाएका हुन् ।
ओलीको स्वेच्छाचारी प्रवृतिले मध्यरातमा राष्ट्रपतिलाई ब्युझाएर संविधानको मर्म र भावना विपरीत जननिर्वाचित ससंद विघटन गर्नु दुखत भएको देउवाको भनाइ छ।
ओलीले लोकतन्त्र मास्न ससंद विघटन गरेको र फलस्वरुप देश र जनताको मर्मको रक्षाका लागि लोकतन्त्रवादी चरित्र बोकेका दलहरु एक ठाउमा उभिनुपरेको स्पष्ट पारेका छन् ।
अहिलेको सत्तागठबन्धन भन्दा बाहेकको सरकार बने मुलुक अझै विकासको गतिबाट पछि पर्ने प्रधानमन्त्री देउवाको भनाइ छ । गफ र कोरा सपनाले देश समृद्ध नबन्ने देउवाले बताए ।
दुईपटक ससंद विघटन भएपछि संविधानको मर्म बचाउन नेकपा माओवादीसहितको गठबन्धन बनाएको र त्यसको नेतृत्व आफुले लिएको देउवाले बताए ।
तपाईको प्रतिक्रिया