महोत्तरी, मंसिर २५ गते । महोत्तरीको कान्तिबजारमा ‘सुशासनका लागि मेरो जवाफ’ नारा सहित आयोजित नगरपालिका स्तरीय हाजिरीजवाफ प्रतियोगिताको उपाधि भानुभक्त एकेडेमि रामनगरले जितेको छ ।
राष्ट्रिय माध्यमिक विद्यालय कान्ति बजारमा सामुदायिक विकास युवा क्लब, कान्तिबजार परडियाको आयोजनामा भएको हाजिरी जवाफ प्रतियोगिताको उपाधि भानुभक्त एकेडेमिले जितेको हो ।
प्रतियोगितामा मदर टेरेशा किडीकन्भेन्ट स्कुल द्धितीय र जनता माध्यमकि विद्यालय भरतपुर खोर तृतीय भएको हो । प्रथम, द्धितीय र तृतीय हुने विद्यालयलाई कप, प्रमाण पत्र र विद्यार्थीहरुलाई मेडल, प्रमाण पत्र तथा पुरस्कार प्रदान गरिएको छ ।
गौशाला नगरपालिकाकी उप प्रमुख रेनु कुमारी महतोले विजयी विद्यार्थीहरुलाई पुरस्कार वितरण गरेकी थिइन् । विद्यार्थीहरुको क्षमता अभिबृद्धिका लागि अतिरिक्त क्रियाकलापले मदत पुग्ने भन्दै हाजिरी जवाफ प्रतियोगिता आयोजना गर्ने सामुदायिक विकास युवा क्लवलाई उप प्रमुख महतोले धन्यवाद समेत दिइन ।
क्लबका अध्यक्ष सन्तोष कुमार सिंहको अध्यक्षतामा भएको हाजिरीजवाफ प्रतियोगितामा मावि रजखोर, त्रिभुवन माध्यमिक विद्यालय, मदर टेरेशा किडीकन्भेन्ट, राष्ट्रिय माध्यमिक विद्यालय कान्तिबजार, जनता माध्उमिक विद्याल्य भरपुर खोर, माध्यमिक विद्यलाय बहादुरगंज, मावि भेडियाहि फुलक्हा, भानुभक्त एकेडेमि रामनगर, बीरेन्द्र मावि बेलगाछी, सरस्वती मावि भन्टाबारी, मावि नवराजपुर सहभागि भएका थिए ।
गौशाला नगरपालिकाका १६ माध्यमिक विद्यालयलाई सहभागिकालागि आमन्त्रण गरेपनि ११ विद्यालय मात्रै सहभागि भएको सामुदायिक विकास युवा क्लबका अध्यक्ष सिंहले बताए । सहभागि विद्यालय तथा विद्यार्थीहरुलाई शिक्षा प्रेमि रामचन्द्र सिंह कुशवाहाले समेत धन्यवाद ज्ञापन गरेका थिए ।
तपाईको प्रतिक्रिया