युएई दुबई, चैत १० गते । वैदेशिक रोजगारीको शिलशिलामा दुबईमा मृत्यु भएको उपेन्द्र साहको शव स्वदेश पठाउन सफल भएका छन् ।
वैदेशिक रोजागरीको क्रममा युएईमा ६ वर्ष देखि कार्यरत मधेश प्रदेश रौतहट जिल्ला कटहरिया नगरपालिका वडा नं. ७ बगही बस्ने ४० वर्षिय साहको पार्थिव शरिर नेपाल पठाउन अन्तर्राष्ट्रीय समिति – गैर आवासीय मधेशी संघ युएई शाखा सफल भएको हो ।
२४ फरवरी २०२३ शुक्रबार अचानक साहको मृत्यु भएको जानकारी पाउनासाथ गैर आवासीय मधेशी संघ युएई शाखाले नेपाली दुतावाससंग समन्वय गरी समपूर्ण कागजाती प्रक्रिया शुक्रबार विहानको विमानबाट स्वदेश पठाउन सफल भएको सहयोगी संस्था मधेशी संघको युएई शाखाले जनाएको छ ।
डा. सीके राउत नेतृत्वको जनमत पार्टीको भातृ संगठन समेत रहेको अन्तराष्ट्रिय समिति गैर आवासीय मधेशी संघ ( NRMA ) अन्तर्राष्ट्रीय समिति अध्यक्ष एवं जनमत पार्टीका केन्द्रीय सदस्य ई. शम्भुनाथ साह, अन्तराष्ट्रिय समिति सदस्य एवं युएई शाखाको केन्द्रीय अध्यक्ष जग नारायण मण्डल, अन्तराष्ट्रिय समिति सदस्य शंकर दास लगायत युएई टीमको पहलमा उद्वार कार्य सफल भएको संघका अध्यक्ष मण्डलले बताए ।
“परदेशमा मधेशी कामदारको साथी, गैर आवासीय मधेशी संघ” भन्दै साह लाई उद्वार गरि स्वदेश पठाएकोमा समपूर्ण गैर संघका टोलीलाई धन्यवाद दिए । विदेशमा बस्नु हुने श्रमिकरूलाई संघसंग जोडिन समेत आग्रह गरे ।
संगठनको शाखा विश्वको विभिन्न राष्ट्र मलेसिया, यु.ए.ई, कतार, साउदी अरब, कुवेत, वहराईन लगायत ५१ वटा देशमा सञ्चालित छ । प्रवासमा समस्यामा परेका प्रवासीहरूलाई सहयोग गदै आएको छ यस संगठनले ।
तपाईको प्रतिक्रिया