जनकपुरधाम, बैशाख १७ गते । सरोकारवालाहरुले शिक्षक दरबन्दीको समस्या देशमा दशकौं देखि रहेपनि समस्या समाधानमा कुनै पनि सरकारले ध्यान नदिदाँ शिक्षास्तर उकास्न अप्ठेरो भइरहेको बताएका छन् ।
जनकपुरधाममा शिक्षा तथा मानव स्रोत विकास केन्द्र सानोठिमी भक्तपुरले आयोजना गरेको पत्रकार भेटघाट कार्यक्रममा केन्द्रका उपमहानिर्देशक तथा प्रवक्ता रुद्र प्रसाद अधिकारीले २०७५ साल देखिनै ५३ हजार शिक्षकको दरबन्दी देशमा परिपुर्ती गर्न वाँकी रहेको बताउदै त्यस एता अहिले सम्म एउटा समेत शिक्षक दरबन्दी थप गर्न नसकिएको बताएका छन् ।
केन्द्रका उपमहानिर्देशक तथा प्रवक्ता अधिकारीले शिक्षा क्षेत्रमा एक त नेपाल सरकारको बजेट प्रयाप्त नहुने बैदेशिक दातृ निकायबाट पाएको अनुदान र सहयोगको कार्यान्वयनमा पनि आफनै किशिमको प्राविधिक जटिलता, दातृ निकायको सर्वेक्षण र त्यसमा स्थानिय तहको समन्वय र सफलतामा भर पर्ने भएकाले जटिल विषय बनेको बताए ।
कार्यक्रममा उपमहानिर्देशक तथा प्रवक्ता अधिकारीले प्रस्तुत गरेको कार्यपत्रमा शिक्षा क्षेत्रमा बिनियोजन हुने गरेको बजेट, त्यसमा नेपाल सरकार र दातृ निकायको योगदान र कार्यान्वयनको जटिलता, देशको कुल बजेट र शिक्षाको बजेटका साथै देशमा रहेको सामुदायिक विद्यालयहरुको संख्या, अवस्था सहितका समग्र विषय समेटिएको थियो ।
तपाईको प्रतिक्रिया