काठमाडौं : सूर्यविनायक नगरपालिका-५ चुनदेवीस्थित लाइभ स्टार कपडा वासिङ सेन्टरमा काम गर्ने एक महिलाको वासिङ मेसिनको रडमा बेरिएर मृत्यु भएको छ ।
मेसिनमा बेरिएर घाइते भएकी उनको अस्पतालको मृत्यु भएको हो । मृत्यु हुनेमा दोलखा भीमेश्वर नगरपालिका-९ लाकुरीडाँडाकी ३८ वर्षिया कमला केसी हुन् ।
अचेत अवस्थामा लडेकी उनलाई वासिङ सेन्टरका सञ्चालक साजन पराजुलीले उद्दार गरी उपचारका लागि मध्यपुर अस्पताल पुर्याए पनि अस्पताल पुर्याउँदा चिकित्सकले मृत घोषणा गरेका महानगरीय प्रहरी परिसर भक्तपुरका सूचना अधिकारी प्रहरी नायव उपरीक्षक दीपक गिरीले जानकारी दिएका छन् ।
वासिङ मेसिनमा राख्ने केमिकल बनाउने क्रममा त्यसको फलामको रडमा अचानक पर्न जाँदा केसी घाइते भई अचेत अवस्थामा लडेको भेटिएको सेन्टरका सञ्चालक पराजुलीले बताएको प्रहरीले जनाएको छ । थप अनुसन्धान भइरहेको छ ।
प्रकाशित :२ फागुन, २०७७
तपाईको प्रतिक्रिया