काठमाडौं : बैतडीकी १७ किशोरी वर्षीय भागरथी भट्टको बलात्कार र हत्यामा संलग्न अभियुक्तले प्रहरीसमक्ष आफ्नो अपराध स्वीकार गरेका छन् ।
आफू बाटो ढुकेर बसेको र भागरथी त्यहाँ पुुगेपछि जबरजस्ती गरेको उनले स्वीकार गरेको प्रहरीले जनाएको छ । अनुसन्धान अधिकारीसमक्ष बयान दिँदा दिनेशले कुकुर आउने थाहा पाएपछि डर लागेकाले त्यहाँ नगएर गोठालो गएको बयान दिएका हुन् ।
तर घटनाको १३ औँ दिनमा पक्राउ परेका दोगडाकेदार गाउँपालिका ७ का दिनेश भट्टले आफूले हत्या गरे पनि बलात्कार भने नगरेको बताएको प्रहरीले जनाएको छ । भट्ट घटनाको दिन डेढ घण्टा पहिल्यै बाटोमा कुरेर बसेको खुलेको छ । घटना भएको दिन ती युवक विद्यालयबाट डेढ घण्टा पहिल्यै निस्किएको प्रहरी अनुसन्धानमा खुलेको छ ।
स्थानीय सनातन धर्म माध्यमिक विद्यालयको कक्षा-११ मा दिनेश भागरथीको हत्याकै लागि २ बजेर ३० मिनेटमा विद्यालयबाट निस्किएको अनुसन्धानमा संलग्न एक उच्च प्रहरी अधिकारीले बताए । उनी विद्यालयबाट निस्केर माघ २१ गते नातामा दिदीसमेत पर्ने भागरथीको हत्याका लागि बाटोमा कुरेर बसेको प्रहरीको प्रारम्भिक अनुसन्धानले देखाएको छ ।
दिनेशको भनाइ उदृत गर्दै प्रहरी स्रोतले भन्यो, ‘भागरथी दिदी चाउचाउ खाँदै आउँदै थिइन् । सुरुमा मैले उनको किताब फालेँ । त्यसपछि उनलाई पछाडिबाट धकेलेँ । उनी लडेर बेहोस भएपछि घाँटी थिचेर मारेँ, त्यसपछि मोबाइलको ब्याट्री निकालेर फ्याकेँ ।’ फूपुसँगको रिसिइबीले भागरथीको हत्या गरेको दिनेशले बताएका छन् । तर के रिसिबी थियो भन्नेबारे केही खुलाइएको छैन ।
अभियुक्त दिनेशलाई आजै प्रहरीले पत्रकार सम्मेलनमार्फत् सार्वजनिक गर्दैछ । कक्षा-१२ मा अध्ययनरत् भागरथी माघ २१ गते साँझसम्म विद्यालयबाट घर नफर्केपछि खोजी सुरू भएको थियो । त्यसको भोलिपल्ट साँझ उनको शव लवलेकको जंगलमा भेटिएको थियो । क्षतविक्षत अवस्थामा भेटिएको शव पोष्टमार्टम गर्दा बलात्कारपछि हत्या भएको पुष्टि भएको छ ।
प्रकाशित :५ फागुन, २०७७
तपाईको प्रतिक्रिया