नेपालमा मंगलबार थप २ हजार ७ सय ४५ जनामा कोरोना पुष्टि भएको छ ।
देशभर गरिएको ७ हजार ४ सय ४९ पिसिआर परिक्षणका क्रममा १ हजार ६ सय ८१ र ५ हजार ८ सय ४१ एन्टीजेन परिक्षणका क्रममा एक हजार ६४ जनामा कोरोना पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या ६ लाख ३४ हजार ६०५ पुगेको छ । त्यस्तै कोरोनाका कारण थप ४१ जनाको मृत्यु भएको छ । यो संगै नेपालमा कोरोनाका कारण मृत्यु हुनेको संख्या ८ हजार ५ सय ६ पुगेको छ । त्यस्तै थप ४ हजार १ सय ८७ जना निको हुँदा हालसम्म नेपालमा ५ लाख ४० हजार ४३९ जना संक्रमणमुक्त भएका छन् ।
हाल नेपालमा ६३ हजार २५७ सक्रिय संक्रमित आइशोलेशन र ५१५ जना क्वारेन्टाइनमा छन् । हालसम्म नेपालमा ३२ लाख ३१ हजार ६१२ वटा पिसिआर र १ लाख १९ हजार ५१ वटा एन्टीजेन परिक्षण गरिएको छ ।
तपाईको प्रतिक्रिया