कोरोनाविरुद्धको खोप लिन नेपाल एयरलाइन्सको विमान आज चीन जाने भएको छ । चीनबाट कोरोना भाइरसविरुद्धको थप १० लाख खोप लिन नेपाल एयरलाइन्सको विमान चीन जान लागेको हो ।
तीन पटक जहाज खोप लिनका लागि चीन जाने तयारी रहेको र परिणाम ठूलो आउँने तर कति आउँछ भन्ने एकिन नभएको बताइएको छ । नेपाल वायुसेवा निगमको बाइडबडी ए ३३० जहाजबाट आजदेखि यहि साउन ८ गतेसम्म तीनवटा उडानमार्फत खोप ल्याउनका लागि चीन जान लागेको नेपाल एयरलाइन्सका महाप्रबन्धक डिमप्रकाश पौडेलले जानकाी दिनु भयो । असार ३१ गते पुनः बाइडबडी जहाज खोप लिन गएर साउन १ गते फर्कने र साउन ७ गते पुनः जहाज नेपालबाट गएर साउन ८ गते खोप ल्याउने उहाहँको भनाइ छ ।
चीनबाट भेरोसेल खोप ल्याउनका लागि जहाज त्यसतर्फ जान लागेको स्वास्थ्य तथा जनसङ्ख्या मन्त्रालयका प्रवक्ता डाक्टर कृष्णप्रसाद पौडेलले बताउनु भयो । सरकारले सरकार–सरकार (जिटुजी) मार्फत चीनबाट खोप ल्याउन लागेको हो । आज साँझ निगमको विमान खोप लिनका लागि चीन लागेको र जहाजले भोलि खोप ल्याउने प्रवक्ता डाक्टर पौडेलले बताउनु भयो ।
पहिलो पटक खोप ल्याइसकेपछि मात्र कति मात्रा खोप नेपाल आएको एकिन थाहा हुने बताइएको छ । चीनको सिनोफार्म कम्पनीबाट सरकारले भेरोसेल खोप खरिद गर्न लागेको हो ।
तपाईको प्रतिक्रिया