जनकपुरधाम । भारतको जयनगर–जनकपुरधाम (कुर्था) रेल्वे ट्रयाकको स्पिड परीक्षण र सर्टिफिकेसन गर्ने तयारी थालिएको छ ।
आईतवार विहान स्पिड परीक्षण र सर्टिफिकेसन गर्ने नेपाल रेल्वे कम्पनी लिमिटेडका महाप्रबन्धक गुरु भट्टराईले सामाजिक सञ्जालमा लेखेका हुन् । उनले रेलको स्पिड १२० किलोमिटर प्रतिघण्टा हुने भन्दै ट्रयाक वरिपरि खाली गर्न सूचना जारी गरेका छन् । रेल्वे ट्रयाक वरपर चौपाया, साइकल, मोटरसाइकल, बालबच्चा नछोड्न अनुरोध गरिएको छ । सूचनाको अवज्ञा गर्दा कुनै दुर्घटना भएमा ब्यक्ति स्वयं जिम्मेबार हुने र कानून अनुसार कारबाही समेत गरिने चेतावनी महाप्रबन्धक भट्टराईले उनको छ । जनकपुर (कुर्था)–जयनगर रेल सञ्चालनका लागि रेल्वे ट्रयाक एकवर्ष अगाडी नै निर्माण पुरा भइसकेको छ । दुई सेट रेल पनि आएको ठिक १० महिना भइसक्यो । ०७७ आश्विन २ गते जनकपुरधाम रेल आउँदा स्थानीय उत्साहित बनेका थिए । तर रेल कहिले सञ्चालनमा आउने कुराको अझै टुङ्गो छैन ।
सरकारले भारतीय कम्पनीसँग दुई सेट रेल ८४ करोड ६५ लाख रुपैयाँमा खरिद गरेको छ । रेल सञ्चालनका लागि अहिलेसम्म कर्मचारी समेत नियुक्त गरिएको छैन । कर्मचारी भर्नाका लागि आह्वान गरेको विज्ञापन समेत रद्द गरिएको छ । फारम भरेको रुपैया पनि हजारौं मानिसको डुब्ने अवस्थामा छ ।
तपाईको प्रतिक्रिया