विराटनगर ५ बिजुली अफिसअगाडि एक जना पुरुष मृत अवस्थामा भेटिएका छन् । को ४ प २३१६ नम्बरको मोटरसाईकलमा आज हिजोबेलुका ८ः३० बजे विराटनगर–५ मुनालपथका ४८ वर्षीय सुदर्शन न्यौपाने मृत अवस्थामा भेटिएका हुन् ।
मोटरसाइकलमा बसिरहेजस्तो देखिने तर, मृत्यु भइसकेका न्यौपानको हत्या भएको हुनसक्ने आफन्तले आशंका गरेका छन् । मृतकका भतिजा सन्तोष न्यौपानेले कसैले दुर्घटना गराएर मोटरसाइकल माथि राखिदिएको हुनसक्ने आशङ्का गर्नु भएको छ । ‘मृतकको शरिरमा चोटपटक र कपडा च्यातिएको अवस्था शव भटीएको तथा दाहिने हातमा चोट र रगतको टाटा देखिन्छ । पेन्ट पनि च्यातिएको अवस्थामा रहेको र आफन्तले पनि हत्याको आशङ्का गरेका प्रत्यक्षदर्शी सञ्चारकर्मी अनिल श्रेष्ठले बताउनु भयो ।
मृतकको एक श्रीमती दुई छोरा र एक छोरी रहेको बुझिएको छ । बेलुका घटनास्थलमा प्रहरी कार्यालय विराटनगर वडा (क)का डिएसपी दिपक कार्कीसहितको टोली पुगेको थियो । घटना विषयमा थप अनुसन्धान भईरहेको मोरङ प्रहरीले जनाएको छ । मुचुल्कापछि मृतकको शव पोष्टमार्टमका लागि पठाइएको प्रहरीले जनाएको छ ।
तपाईको प्रतिक्रिया