जनता समाजवादी पार्टी(जसपा)को आधिकारिकता सम्बन्धी बिबादलाई निर्वाचन आयोगको फैसलालाई रोक्न महन्थ ठाकुरले सर्वोच्च अदालतमा दिएको मुद्दामा शुक्रवार छलफल हुने भएकोछ ।
अदालतले ठाकुरको माग अनुसार निर्वाचन आयोग बिरुद्ध अन्तरिम आदेश नदिएपछि गत सोमवार उपेन्द्र यादव पक्षले आधिकारिकता पाएको थियो ।निर्वाचन आयोगमा भएको सनाखतमा कार्यकारिणी समितिका ३४ जनाले यादव पक्षमा हस्ताक्षर गरेपछि आयोगले आधिकारिताको मान्यता सो समुहलाई दिएको थियो । अदालतमा त्यसबारे हुने छलफलमा निष्कर्ष निस्कने संभावना नरहेको कानुन व्यवसायीहरुले जनाए ।ठाकुले अन्तरिम आदेशबाट निर्वाचन आयोगको फैसला रोक्न खोजेका थिए ।तर आयोगले फैसला नै गरी आधिकारिकता यादव समुहलाई दिइसकेकाले अन्तरिम आदेशको औचित्य नै अब सकिएको अधिवक्ताहरुको तर्क छ । अदालतको छलफलमा निर्वाचन आयोग, उपेन्द्र यादव र ठाकुर पक्ष सहभागि हुनेछन् ।
ठाकुर पक्षले नयाँ दल दर्ताको सम्बन्धमा निर्णय नलिनुको कारणपनि अदालतमा हुने छलफलको निर्णयलाई नै मानिएको छ ।त्यो निर्णय आएपछि ठाकुरले समुहले नयाँ दल दर्ता सम्बन्धी निर्णयमा पुग्ने बताइएको छ ।
तपाईको प्रतिक्रिया