जनकपुरधाम । महोत्तरी स्थित औरही नगरपालिकाका नगर प्रमुख सुनिलकुमार यादवले आफ्नो कार्यकालमा विकास निर्माणका काममध्ये बाटो निर्माणको कामलाई तिव्रताका साथ अघि बढाउदै सय प्रतिशत पुरा गर्ने जनाएका छन् ।
नगर प्रमुख यादवले अहिले सम्म औरही नगरपालिकामा ७० प्रतिशत बाटो निर्माको काम पुरा भइसकेको र अब बाँकी रहेको ३० प्रतिशत यो एक वर्षे कार्यकालमा पुरा गर्ने बताएका हुन् ।
स्थानिय तह भनेको जनता समक्ष रहेको सरकार हो । जनप्रतिनिधीको रुपमा निर्वाचित भएर आइसकेपछि विगतको ४०÷५० वर्षमा नभएका काम ४ वर्षमा पुरा भएको मेयर यादवले बताएका छन् । उनले भने, ‘शिक्षामा सबैभन्दा बढी बजेट राखेको छु, मेरो कार्यकालमा नमुना विद्यालय ल्याए, प्राविधिक शिक्षाका लागि भारत जानुपर्ने अवस्था न्यून भएको छ । विभिन्न वडामा सामुदायिक भवन निर्माण, ७ वटा वडामा सात वटै स्वास्थ्य चौकी निमाणधिन अवस्थामा रहेको छ । यहाँका जनतालाई स्वास्थ्य उपचारका लागि कठिनाइ भोग्नु नपरोस् भनेर १५ शैयाको अस्पताल निर्माण प्रक्रियामा छ,
कृषि क्षेत्रमा बिउ बिजन वितरण, तालिम, कृषिका उपजमा सहयोग पुग्ने समाग्री वितरण गरेको जानकारी दिएका छन् ।
औरही नगरपालिकाका नगर प्रमुख यादवले टुडेएनपी डटकमसँग कुरा गर्दै आफ्नो विचार धाराहरु राख्दै नगरपालिकाले अनुदानमा स्वरुप वितरण गर्न खरिद गरेको बिउमा नगरपालिका आफै ठगिएको जानकारी दिदैं बिउ राम्रो नहुँदा किसानहरुलाई मर्का परेको छ । किनकी नगरपालिकाले बिउ हेर्दा राम्रो देखेर ल्यायो । नगरपालिकाले एकै ठाउँबाट ल्याइएको हुन्छ बिउ त्यसैले सबै गुणस्तरहिन भयो तर किसानहरुले बिउ खरिद गर्दा विभिन्न स्थानबाट ल्याउने गर्छन् उहाँहरुको बिउ राम्रो नराम्रो दुबै खालको हुन्छ । बिग्रे पनि १÷२ जना किसानको बिग्रीन्छ । यो कुरालाई विचार गर्दै आगामी दिनमा यसमा सुधार गर्ने कुरामा लागको उनले बताए ।
मेयर यादव भन्छन्, भौतिक संरचना बनाएर मात्र विकास हुँदैन । सँगसँगै मानसिक विकास तथा चेतना पनि हुन जरुरी छ, उनले भने यस नगरमा गर्नुपर्ने सम्पूर्ण काम प्राथमिकताभित्र पर्छ यसलाई पुरा गर्न हरक्षण तत्पर रहने बताए । ’
तपाईको प्रतिक्रिया