जनकपुरधाम । मुख्यमन्त्री लालबाबु राउतले प्रदेश सरकार बेटी पढाउ, बेटी बचाउ कार्यक्रमका लागि खरिद गरेको साइकल सार्वजनिक खरिद ऐन अनुसार नियम संगत रहेको प्रष्ट पारेका छन् ।
प्रदेश सभाको बैठकमा विपक्षी दलका प्रदेश सभा सदस्यहरुले उठाएको प्रश्नको जवाव दिदै मुख्यमन्त्री राउतले इ–विडिङ्ग मार्फत खरिद गरिएको साइकलमा कुनै अनियमितता नरहेको दावी हुन् ।
मुख्यमन्त्री राउतले भने, ‘साइकल खरिदमा अनियमितता भएको भनि विभिन्न पक्षबाट उठाइएको प्रश्न कपोकल्पित र पूर्वाग्रही मात्र रहेको दावी गरेका छन् ।
दुई चरणमा खरिद गरिएको साइकल मध्ये पहिलो चरणमा ओम सत्य साइ प्राली पर्सा रु. ५७०० , सान्यो इन्टरनेशनल जेभी काठमाडौं रु. ७५७६ , द डिजाइनर्स नेपाल जे भि भरतपुर रु ६८३१ , म्याप इन्टरप्रिन्युर्स काठमाडौं रु. ६१५०, र विकास जेनरल ट्रेडिङ्ग रु. ८५०१ कबोल गरेकोमा न्युनतम कबोल गर्ने ओम सत्य साइ प्राली पर्सालाई टेण्डर दिइएको तथ्यांक उनले प्रस्तुत गरे ।
त्यसै गरी दोस्रो चरणमा गरिएको टेण्डरमा ओम सत्य साइ प्राली पर्साले रु. ७५०० , सान्यो इन्टरनेशनल जेभी काठमाडौ रु. ७४७५ कबोल गरेको तथा म्याप हेलिक्स जेभिको कबोलमा प्राविधिक त्रुटी देखिएकोले न्युनतम कबोल गर्ने सान्यो इन्टरनेशनल जेभी काठमाडौंसँग सम्झौता गरि खरिद गरिएको बताए ।
सार्वजनिक खरिद ऐन अनुरुप इ–विडिङ्ग मार्फत खरिद गरिएको साइकलमा अनियमितता भएको भन्नु आफैमा हास्यास्पद, कपोलकल्पित र पूर्वाग्रही रहेको उनको कथन थियो ।
तपाईको प्रतिक्रिया