काठमाडौं । काठमाडौंबाट वीरगंज जाँदै गरेको सुमो दुर्घटना हुँदा दुई जनाको मृत्यु भएको छ ।
शनिबार काठमाडौंबाट वीरगंज जाँदैं गरेको सुमो जीप अनियन्त्रित भई दुर्घटना हुँदा दुई जनाको मृत्यु भएको हो ।
हेटौडा कुलेखानी काठमाडौं सडकखण्ड अन्तर्गत इन्द्रसरोबर गाउँपालिका वडा नं. २ लामिबगरमा दिउँसो करिब ३ः३० बजे काठमाडौंबाट वीरगंज जाँदै गरेको ना १ ज ४५११ न को सुमो जीप दुर्घटना हुँदा दुई जनाको मृतयु भएको जिल्ला प्रहरी कार्यालय मकवानपुरले जनाएको छ ।
सो दुर्घटनामा चालकसहित १० जना घाइतेलाई प्रहरीले उद्धार गरी चार जनालाई हेटौडा अस्पतालमा, अर्को चार जनालाई काठमाडौं सानेपास्थित स्टार हस्पिटलमा र दुइ जना पाटन अस्पतालमा उपचारका लागि लगिएको प्रहरीले जनाएको छ ।
घाइतेमध्ये पाटन अस्पतालमा उपचारको क्रममा दुई जनाको मृत्यु भएको जिल्ला प्रहरी कार्यालय मकवानपुरले जानकारी दिएको छ । मृतकहरुको अहिलेसम्म सनाखत भइसकेको छैन ।
तपाईको प्रतिक्रिया