दशैँका कारण बन्द रहेका सरकारी कार्यालय र बैंक तथा वित्तीय संस्था आजदेखि सञ्चालनमा आउने भएका छन् ।
दशैँ बिदा सकिएकाले आजदेखि सरकारी कार्यालयहरु सञ्चालनमा आएका हुन् । असोज २६ गते फूलपाती देखि ५ दिन बन्द रहेको सरकारी कार्यालय, बैंक तथा वित्तीय संस्था आजदेखि खुल्ने भएका हुन् । सेयर बजार पनि आजैबाट खुल्नेछ ।
यस्तै दशैँ मनाउन कार्यक्षेत्रबाट घर–गाउँ गएकाहरु पनि फर्कन थालेका छन् ।
यस्तै दशैँ टीकाको तेस्रो दिन आज पनि मान्यजनको हातबाट टीका र जमरा लगाउने क्रम जारी रहेको छ । हिजो र अस्ति लगाउन नभ्याएका र टाढा–टाढा रहेका आफन्त तथा मान्यजनकहाँ पुगेर कोजाग्रत पूर्णिमासम्म नै टीका लगाउने प्रचलन छ । दशैँमा नवदुर्गाको प्रसादका रुपमा रातो टीका र समृद्धिको प्रतीकको रुपमा पहेँलो जमरा लगाएर मान्यजनबाट आर्शिवाद लिने–दिने परम्परा छ ।
तपाईको प्रतिक्रिया