जनकपुरधाम । प्रधानमन्त्री शेरबहादुर देउवा आज प्रदेश १ का बाढीग्रस्त क्षेत्र स्थालगत निरिक्षणमा जाने भएका छन् ।
केही दिनअघि हावाहुरी सहित आएको भारी वर्षाको कारण बाढीपहिरोग्रस्त क्षेत्र प्रदेश नम्बर १ को स्थलगत अवलोकन गर्न आएतबार बिहान पूर्वी नेपालको भ्रमणमा जाने कार्यक्रम रहेको छ ।
प्रधानमन्त्री देउवाले प्रदेश १ को बाढीपहिरोग्रस्त सुनसरी, इलाम र पाँचथरको स्थलगत अवलोकन गरी सम्बन्धित जिल्लाका प्रमुख जिल्ला अधिकारी लगायत उच्च प्रशासनिक तथा सुरक्षा पदाधिकारीहरुमार्फत क्षतिको जानकारी लिने र पीडितहरुलाइ सम्बोधन गर्ने कार्यक्रमका साथ प्रदेश १ को भ्रमणमा जाने भएका छन् ।
प्रदेश १ को भ्रमणको क्रममा प्रधानमन्त्री देउवा आज विहान हेलिकोप्टरमार्फत सुनसरीको पकलीस्थित सशस्त्र प्रहरी बल मुख्यालय बराह वाहिनी जाने कार्यक्रम रहेको सशस्त्र प्रहरी बलले जनाएको छ ।
प्रधानमन्त्री देउवाले वर्षासँगै उत्पन्न बाढी, पहिरो, डुबानबाट सुनसरी, इलाम र पाँचथर जिल्लामा भएको क्षतिको स्थलगत निरीक्षण अवलोकन गरेर आज अपरान्ह काठमाडौँ फर्किने कार्यक्रम रहेको छ ।
तपाईको प्रतिक्रिया