काठमाडौं । मध्य पहाडी लोकमार्ग फिदिम खण्डको सखरखण्डे क्षेत्रमा सोमबार दिउँसो ११ बजे भएको बस दुर्घटनामा चार जनाको मृत्यु भएको छ ।
लेटाङका सात वर्षीय प्रज्वल मगर र इलामका ३४ वर्षीय प्रमिला देवान र उहाँको सात महिनाको छोरा निश्चल देवानको मृत्यु भएको प्रहरीले जनाएको छ । नाम बतन खुल्न बाँकी रहेको एक महिलाको पनि मृत्यु भएको प्रहरी निरीक्षक डम्बर डाँगीले बताए।
पाँचथरको कुम्मायक गाउँपालिका र फिदिम नगरपालिको सिमा निबुखोलाबाट यात्रु लिएर झापा जाने क्रममा को १ ख ३८६५ नम्बरको बस दुर्घटना भएको हो ।
दुर्घटनामा ६५ जना घाइते भएकामा चारको मृत्यु भएको हो । थप उपचारका लागि झापातर्फ चार जनालाई रिफर गरिएकोमा बाटैमा एक जनाको मृत्यु भएको हो । तीन जनाको फिदिमकै अस्पतालहरुमा मृत्यु भएको हो ।
अहिले एउटा मात्र विकल्पको बाटो यासोक–फिदिम सडक खण्ड सुचारु अवस्यामा छ । यो अवस्थाले यात्रुको बढी चाप बढेसंगै यस क्षेत्रमा दुर्घटनाको जोखिम बढेको हुनसक्ने देखिएको छ । साभार गोरखापत्र अनलाइन
तपाईको प्रतिक्रिया