धनुषाको जनकनन्दिनी गाँपालिकामा खोज तथा उद्धार र प्राथमिक उपचार सम्बन्धी चार दिने तालिम शनिबार सम्पन्न भएको छ । युनिसेफको सहयोग र नगरपालिकाको समन्वयमा लाइफ नेपालले आयोजना गरेको तालिम प्रयोगात्मक (प्राक्टिकल) मा केन्द्रित थियो ।
तालिमको समापन गर्दै लाइफ नेपालका अध्यक्ष सुरैत ठाकुरले सिकाई उपलब्धीलाई उपयोगमा ल्याउन सहभागीहरुमा आग्रह गरे । विपदका कारण सबैभन्दा बढी प्रभावित हुने पालिकामध्ये एक जनकनन्दिनीमा तालिम प्राप्त जनशक्तिले आप्mनो सिकाई उपलब्धीलाई व्यवहारमा ल्याउनुपर्ने धारणा उनको थियो । तालिम प्राप्त गरेको जनशक्तीको स्वामित्व नगरपालिकाले ग्रहण गरेको छ, उनले भने–‘उहाँहरुलाई परिचालन गर्ने र थप तालिमको व्यवस्थापन पालिकाले गर्छ । तपाईहरुको सिकाई टिकाउने काम नगरपालिकाको छ । सिकाई उपलब्धीलाई कार्यान्वयनमा ल्याउन सके मात्र तालिम सार्थक हुने तर्क उनको थियो ।
लाइफ नेपालका अध्यक्ष सुरैत ठाकुरको अध्यक्षतामा भएको समापन कार्यक्रममा विपद्को बेला हराईरहेको नागरिकको खोजी, जोखिममा परेकोलाई उद्धार र घाइते भएकोलाई तत्काल प्राथमिक उपचार कसरी गर्ने बारे तालिममा चार दिनसम्म प्रयोगात्मक माध्यमबाट सिकाउने प्रयास गरिएको तालिम संयोजक खगेन्द्र कुमार सिंहले जनाए ।तालिमको सिकाईलाई उपलब्धीमुलक बताउँदै सिकाई उपलब्धी समाजको लागि उपयोग गर्ने सहभागी विकेश कुमार चौधरीले प्रतिबद्धता जनाए । दुर्घटनामा परेकोलाई कसरी तत्काल उद्धार गरेर प्राथमिक उपचार गर्ने बारे तालिमले सिकाएको चाँन्दनी कुमारीले बताइन् । तालिमको सिकाईबाट सन्तुष्ट हुँदै अव समाजिक रुपान्तरणमा यसको सदुपयोग गर्ने तर्क गरिन् ।
कार्यक्रममा प्रोग्राम अफिसर श्रीप्रशाद साह, कार्यक्रम संयोजक संजिव महतो ,प्रशिक्षकहरु विमलेश कुमार पण्डित, राजकुमार मण्डलर्, लगायतको उपस्थिति थियो । गएको असोज २८ गतेदेखि सुरु भएको तालिममा २८ जनाको सहभागिता रहेको थियो ।
तपाईको प्रतिक्रिया