छठ पर्वको दोश्रो दिन आज खरना सम्पन्न

छठ पर्वको दोश्रो दिन आज खरना विधि सम्पन्न भएको छ । व्रतालुहरुले आफुले पकाएको सख्खरको खिर, फलफुल लगायतको समाग्री कुलदेवतालाई चढाएर खरना विधि गर्छन । कुलदेवतालाई चढाएको खिर परिवारमा प्रसादको रुपमा खाने परम्परा रहेको छ ।
खीर खाएर व्रतालुले ३६ घण्टे उपवास बस्ने गरेका छन् । छठको चौथो तथा अन्तिम दिन उदाउँदो सुर्यको अर्घ दिएपछि व्रतालुले अन्न ग्रहण गर्ने छन् । यसअघि छठको पहिलो दिन व्रतालुहरुले नहा खा विधि गरेर आफुलाई शुद्धिकरण गरेका थिए ।

यता, दाजुभाइ र दिदीबहिनीको प्रेमको प्रतीकका रूपमा मिथिलाञ्चलमा मनाइने गरिएको सांस्कृतिक पर्व सामाचकेवा पनि आजदेखि सुरु हुँदै छ ।
छठ पर्वको खरनाको दिनमा सिरी सामा बनाएर पर्वको शुभारम्भ गरिएको हो माटाका मूर्ति बनाएर कात्तिक पूर्णिमाको रात्रि सामाचकेवा पर्व विधिवतरूपमा सम्पन्न हुन्छ ।