जनकपुरधाममा प्रधानमन्त्री ओली पक्षधर केन्द्रिय सदस्य महेश बस्नेतले शक्ति प्रदर्शन गरेका छन् । पुर्व निर्धारित युवा संघको कार्यक्रममा सहभागि हुन जनकपुरधाम आएका संघिय सांसद समेत रहेका बस्नेतले‘हामी मात्र सुर्य चुनाव चिन्ह लिएर चुनावको तयारीमा जुटिसकेका छौं, मधेशका लागि प्रधानमन्त्री ओलीले गरेको काम बारे बुझाउन मधेश झरेका हौं ।’ उनले पार्टी फुटिसकेको संकेत गर्दै हसिया हतौडा बिनाको सुर्य चिन्ह र नेकपा एमालेको ब्यानरमा चुनावमा हामिएको बताएका छन् ।
देउवा र भारत संगको साँठगाँठको कुरा निराधार रहेको बताउदै बस्नेतले राजा र कुनै धर्मको राष्ट्र वा भनौ हिन्दु राष्ट्रको पक्षमा ओली समुह कहिल्यै नलाग्ने समेत बताए । जनताको म्यान्डेडमा सरकार बनाएपनि चलाउन नदिएपछि पुनः जनतामै फर्किने मनशायले संसद विघटन गरिएको उनको तर्क छ । प्रचण्डले सोमवार देउवासंग चुनावी तालमेलको कुराले पनि प्रचण्ड चुनाव स्वीकार गरिसकेको स्पष्ट भएको भनाई उनको छ । जनकपुरधामको शक्ति प्रदर्शनमा बस्नेतलाई योगनारायण यादवका साथै युवा नेताहरु संजिव झा सुरज, शम्भु साह सहितको सहयोग रहेको देखिन्छ ।
तपाईको प्रतिक्रिया