जनकपुरधाम, पुष १२ : राष्ट्रिय प्रजातन्त्र पार्टीले जनकपुरधाममा प्रदर्शन गरेको छ । हिन्दु राष्ट्र र राजसंस्था पुर्नस्थापना सहितको मांग गर्दै राप्रपा जनकपुरधाममा प्रदर्शन गरेको हो । प्रदर्शनमा तत्कालिन राप्रपा नेपाल र राप्रपा दुवै दलका नेताहरु संयुक्त रुपमा देखिएका छन् ।
जनकपुरधामको जनकचौकबाट सुरु भएको विरोध रयाली विभिन्न चौक हुदै जिल्ला जिल्ला प्रशासन कार्यालयमा ज्ञापन पत्र बुझाएको छ । देश व्यापी कार्यक्रम अनुसार राप्रपाले ७७ वटै जिल्लामा एक साथ जिल्ला प्रशासन कार्यालय मार्फत सरकारलाई ज्ञापन पत्र बुझाएको छ ।
राप्रपाका धनुषा अध्यक्ष रामचन्द्र यादवको अगुवाईमा भएको प्रदर्शनमा राप्रपाका नेताहरु मनोज मल्ल, प्रेक्षा मल्ल,कमलेश मण्डल, नथुनीलाल दास, श्रवण कुमार झा, प्रमोद गोइन्का, राजकुमारी साह, रामनरेश यादव र बिनोद साह सहितको सहभागिता रहेको थियो ।
तपाईको प्रतिक्रिया