जनकपुरधाम : प्रदेश २ सरकारको पहिलो आवधिक योजना पुस्तक सार्वजनिक भएको छ ।
आज (मंगलबार) जनकपुरमा आयोजना गरिएको कार्यक्रममा मुख्यमन्त्री लालबाबु राउतले आवधिक योजना र नेपाल प्रोभिन्सियल प्लानिङ बेसलाइन एण्ड स्ट्राटेजिक अप्सन फर प्रोभिन्स टु सार्वजनिक गरे ।
पुुस्तक सार्वजनिक गर्दै मुख्यमन्त्री राउतले योजनाले प्रदेशमा अगामी पाँच वर्षभित्र गर्नुपर्ने विकासको लक्ष्य निर्धारण गर्नुका साथै अगामी दिनमा प्रदेश सरकारले गर्ने कामहरुको विस्तृत विवरण समेटिएको नीति तथा कार्यक्रम र बजेट निर्माण गर्न सहज हुने बताए ।
३ वर्षको अवधिमा जनताको आधारभूत आवश्यकता रहेको विकास निर्माणको कामलाई प्राथमिकतामा राखेको प्रदेश सरकारले अब गौरवको योजनालाई प्राथमिकतामा राखेर अघि बढ्ने भन्दै मधेश स्वास्थ्य विज्ञान प्रतिष्ठान गठन गरेको र यसले प्रदेशको समग्र स्वास्थ्य क्षेत्रमा माइल स्टोन सावित हुने विश्वास व्यक्त गरे ।
प्रतिष्ठान मात्र नभई जिल्ला अस्पताललाईसमेत जनताको भरोसाको केन्द्र बनाउन आफू लागि परेको मुख्यमन्त्री राउतले बताए । प्रदेशको शैक्षिक सुधारका लागि संघीय नीति बाधक रहेको उल्लेख गर्दै हाललाई विश्वविद्यालय मात्र प्रदेश सरकारको मातहतमा रहेको हुँदा प्रदेशमा कृषि र प्रादेशिक विश्वविद्यालय स्थापनाको तयारी रहेको पनि उनले बताएका छन् ।
तपाईको प्रतिक्रिया