काठमाडौं : नेपाल कम्युनिष्ट पार्टी (नेकपा) की केन्द्रीय सदस्य रामकुमारी झाँक्रीले लोकतन्त्र, गणतन्त्रमा सबैले बोल्न पाउने बताएकी छिन् ।
आज (बुधबार) राजधानीमा भएको नेकपाको बृहत आमसभालाई सम्बोधन गर्दै उनले मुखमा लगाएको टेप खोल्दै बोल्न पाउने अधिकारलाई कसैले खोस्न नसक्ने बताइन् ।
‘हाम्रो रगत र पसिनाले, हजारौँ सहिदको बलिदानबाट प्राप्त गरेको यो परिवर्तनलाई एकैरातमा च्यातचुत गर्नेकाविरुद्ध बोल्छौँ । लोकतन्त्रमा बोल्न कुनै तानशाहले रोक्न सक्दैन, ओली कागजी बादसाह हुन् । उनी ढलीसके अन्तिम घोषणा मात्र गर्न बाँकी छ,’उनले भनिन् ।
झाँक्रीले एउटा खलपात्रको विरुद्ध बोल्दै गर्दा महिलाको अस्मितामाथि आँच आएको कसले भन्छ ? भन्दै प्रश्न गरिन्, उनले महिलाको अस्मिता निर्मला, भागरथी, सम्झना लगायतका बालिकाहरु बलाकृत हुँदाचाहि महिला अस्मिता लुटिएन ? भन्दै प्रश्न गरिन् ।
उनले भनिन्,‘कुनै पनि पदमा लिंग हुँदैन त्यो सार्वजनिक पद हो । अनेमसंघ भन्ने राष्ट्रपति विद्या भण्डारीको प्राइभेज संस्था छ । प्रतिगामी कदमविरुद्ध बोल्दा महिलाको अस्मितामा आँच आयो भन्ने यी संस्थाका मानिसहरु भागीरथीका हत्यारालाई कारबाही गर भनेर गृहमन्त्रालयल पुगे की पुगेनन् ?
प्रकाशित :२८ माघ, २०७७
तपाईको प्रतिक्रिया