काठमाडौं : गत २४ घण्टामा विश्वमा कोरोना भाइरसको संक्रमणबाट १३ हजार २ सय ६४ जना संक्रमितको मृत्यु भएको छ ।
वर्ल्डोमिटर्सको तथ्यांकअनुसार आज (बिहीबार) बिहानसम्म विश्वभर कोरोना संक्रमणका कारण मृत्यु हुनेको संख्या २३ लाख ६२ हजार ७ सय ५ पुगेको छ ।
हालसम्म विश्वभर १० करोड ७८ लाख १९ हजार पाँच सय ४४ जनामा कोरोना संक्रमण पुष्टि भएको छ । कूल संक्रमितमध्ये ७ करोड ९९ लाख ६१ हजार १ सय १६ जना उपचारपछि निको भइसकेका छन् ।
बाँकी २ करोड ५४ लाख ९५ हजार ७ सय २३ जना हाल अस्पताल तथा होम आइसोलेसनमा उपचाररत रहेका छन् । कोरोना संक्रमणबाट मृत्यु हुनेको संख्या सबैभन्दा धेरै अमेरिकामा रहेको छ । त्यहाँ ४ लाख ८२ हजार ७ सय २९ जनाको मृत्यु भइसकेको छ ।
गत २४ घण्टामा त्यहाँ थप २ हजार ९ सय ६१ जनाको मृत्यु भएको छ । ब्राजिलमा आजसम्म २ लाख ३४ हजार ९ सय ४५ जनाले कोरोनाका कारण ज्यान गुमाइसकेका छन् । कोरोना संक्रमितको दोस्रो ठूलो संख्या रहेको भारतमा १ लाख ५५ हजार ३ सय ९९ जनाको मृत्यु कोरोना संक्रमणबाट भएको पुष्टि भइसकेको छ ।
त्यस्तै, पछिल्लो २४ घण्टामा ४ लाख २१ हजारभन्दा बढी संक्रमित थपिएका छन् । कोरोनाबाट धेरै प्रभावित भएका मुलुकहरू मेक्सिकोमा १ लाख ६८ हजार ४ सय ३२, बेलायतमा १ लाख १३ हजार ८ सय ५१, इटलीमा ९२ हजार ३ सय ३८, फ्रान्समा ८० हजार ४ सय ४३, स्पेनमा ६३ हजार सात सय ४, इरानमा ५८ हजार ६ सय ८६, अर्जेन्टिनामा ४९ हजार ६ सय ७४, कोलम्बियामा ५६ हजार ७ सय ३३ तथा रसियामा ७८ हजार १ सय ३४ जनाको मृत्यु भएको तथ्यांक छ ।
प्रकाशित :२९ माघ, २०७७
तपाईको प्रतिक्रिया