जनकपुरको एक होटलमा युवतीको शव फेला

जनकपुरधाम : जनकपुरधामको एक होटलमा अन्दाजी २२ वर्षीय युवतीको शव फेला परेको छ । शनिबार जनकपुरधाम उपमहानगरपालिका वडा नं.७ स्थित नमस्कार होटल एण्ड गेस्ट हाउसमा ती युवतीको शव फेला परेको धनुषाका प्रवक्ता प्रहरी नायव उपरीक्षक मकेन्द्र कुमार मिश्रले जानकारी दिए ।

सो होटलको कोठामा झुण्डिएको अवस्थामा आज साँझ फेला परेको प्रवक्ता मिश्रले बताए । उनी त्यस गेस्ट हाउसमा विगत २ दिनदेखि बस्दै आएको खुलेको छ । मृतक युवतीको परिचय खुल्न सकेको छैन भने घटनाका सम्बन्धमा अनुसन्धान कार्य अगाडि बढाइएको उनले बताए ।

प्रकाशित :८ फागुन, २०७७