काठमाडौं : सरकारले नेत्रविक्रम चन्द नेतृत्वको विप्लव समूहमाथिको प्रतिबन्ध फुकुवा गरेको छ ।
प्रधानमन्त्री निवास बालुवाटारमा बसेको मन्त्रिपरिषद्को बैठकले विप्लव समूहमाथिको प्रतिबन्ध फुकुवा गर्ने निर्णय गरेको हो ।
बैठकले विप्लवसँग भएको सहमति सार्वजनिक भएपछि लागू हुने गरी अनुमोदन गरेको छ । सहमतिको विस्तृत विवरण शुक्रवार दिउँसो सार्वजनिक गर्ने सरकारी वार्ता टोलीले जारी गरेको विज्ञप्तिमा उल्लेख छ ।
सरकारी वार्ता टोलीका संयोजक एवं गृहमन्त्री रामबहादुर थापा र विप्लव समूहको वार्ता टोली संयोजक एवं प्रवक्ता खड्कबहादुर विश्वकर्माले सहमतिमा हस्ताक्षर गर्नु भएको छ ।
सरकार र नेत्रविक्रम चन्द समूह विप्लवबीच बालुवाटारमा सहमति भएको हो । सहमतिअनुसार विप्लवले आफ्ना सबै राजनीतिक विषयहरूको समाधान संवादका माध्यमबाट गर्ने, आफ्ना सबै राजनीतिक क्रियाकलापहरू शान्तिपूर्ण रूपमा सञ्चालन गर्ने उल्लेख छ ।
तपाईको प्रतिक्रिया