आज मौसम सफा रहने

फाल्गुन २१, काठमाडौं । नेपालमा उल्लेखनीय मौसमी प्रणालीको प्रभाव नदेखिएको जल तथा मौसम पूर्वानुमान महाशाखाले बताएको छ ।

हाल देशभरका उच्च पहाडी भू-भागहरुमा आंशिक बदली रहेको महाशाखाले जनाएको छ । आज दिउँसो प्रदेश १, बाग्मती, गण्डकी र सुदूरपश्चिम प्रदेशका उच्च पहाडी तथा हिमाली भूभागहरुमा आंशिक बदली र बाँकी भूभागहरूमा मौसम सामान्यतया सफा रहने महाशाखाको पूर्वानुमान छ ।

राती प्रदेश १, गण्डकी र सुदूरपश्चिम प्रदेशका उच्च पहाडी तथा हिमाली भूभागहरुमा आंशिक बदली र बाँकी भूभागहरूमा मौसम सामान्यतया सफा रहने छ ।