फाल्गुन २१, काठमाडौं । विश्वभरमा ९ करोड १८ लाखभन्दा बढी कोरोना भाइरसका बिरामी निको भएका छन् ।
आज (शुक्रबार) बिहानसम्ममा ९ करोड १८ लाख ५९ हजार चार सय ७४ जना संक्रमित कोरोनामुक्त भएका हुन् । हालसम्म विश्वमा ११ करोड ६२ लाख पाँच सय एक जनामा कोरोना संक्रमण भएको छ ।
संक्रमितमध्ये २५ लाख ८० हजार ५ सय ५८ जनाको मृत्यु भइसकेको छ । हाल विश्वमा २ करोड १७ लाख ६० हजारभन्दा बढी सक्रिय संक्रमित छन् । कोरोना भाइरसबाट सबैभन्दा बढी प्रभावित राष्ट्र संयुक्त राज्य अमेरिकामा हालसम्म दुई करोड ९५ लाखभन्दा बढी मानिस संक्रमित भइसकेका छन् ।
संक्रमितमध्ये २ करोड ७५ हजारभन्दा बढी निको भएका छन् भने ५ लाख ३३ हजार ४ सय ९ जना संक्रमितले ज्यान गुमाइसकेका छन् । भारतमा हालसम्म १ करोड ११ लाख ७३ हजारभन्दा बढी मानिस संक्रमित भएका छन् ।
संक्रमितमध्ये १ करोड ८ लाख ३८ हजारभन्दा बढी निको भएका छन् भने कोरोनाबाट ज्यान गुमाउनेको संख्या १ लाख ५७ हजार ५ सय ८४ पुगेको छ । नेपालमा हालसम्म २ लाख ७४ हजार ४ सय ८८ मा कोरोना पुष्टि भएको छ । तीमध्ये २ लाख ७० हजार ६ सय ८३ निको भएका छन् । कोरोनाबाट नेपालमा २ हजार ७ सय ७८ जनाले ज्यान गुमाएका छन् ।
तपाईको प्रतिक्रिया