फागुन २२, दार्चुला । दार्चुलाको लेकम गाउँपालिका ६ स्थित उचाकोटमा आज (शनिबार) दिउँसो जिप दुर्घटना हुँदा दुईको मृत्यु भएको छ भने पाँच जना घाइते भएका छन् ।
गोकुलेश्वरबाट रिठाचौपाताका लागि छुटेको जिप दुर्घटना हुँदा चालकसहित दुईको मुत्यु भएको प्रहरीले जनाएको छ । प्रहरीका अनुसार दुर्घटनामा जिप चालक करन नाथ र स्थानीय बुद्धिबल्लव पन्तको मृत्यु भएको हो ।
गोकुलेश्वरबाट यात्रु लिएर चौपाता जानेक्रममा लेकम गाउँपालिका–६ उचाकोट मन्दिर नजिक जिप दुर्घटना भएको प्रहरी प्रवक्ता एवं प्रहरी निरीक्षक भाष्कर चन्दले जानकारी दिएका छन् । स्थानीय हरिश नाथका अनुसार जिपमा सवार अन्य ५ जना गम्भीर घाइते भएका छन् ।
तपाईको प्रतिक्रिया