काठमाडौं, ४ चैत । मिनीट्रकको ठक्करबाट काठमाडौंको मूलपानीमा मोटरसाइकल चालकको मृत्यु भएको छ ।
कागेश्वरी मनोहरा नगरपालिका-६, मूलपानीमा बा ५ ख १८२ नम्बरको मिनीट्रकले प्रदेश ३–०२–०१२ प ५८४२ नम्बरको मोटरसाइकललाई मंगलबार बेलुकी ठक्कर दिएको थियो।
दुर्घटनामा मोटरसाइकलका चालक २७ वर्षीय सुरज कुईंकेलको ज्यान गएको प्रहरीले जानकारी दिएको छ। कुईंकेल चाँगुनारायणमा बसोबास गर्दै आएका थिए।
घाइते भएका कुईंकेललाई उपचारका लागि नेपाल मेडिकल कलेज, अत्तरखेल पुर्याइएपनि उपचारकै क्रममा उनको मृत्यु भएको हो।
प्रहरीले मिनीट्रक चालकलाई नियन्त्रणमा लिएरदुर्घटनाबारे अनुसन्धान गरिरहेको जनाएको छ।
तपाईको प्रतिक्रिया