काठमाडौं, १३ चैत । सर्वोच्च अदालतको माघ २३ गतेको फैसलाविरुद्ध माओवादी केन्द्र आज पुनरावलोकनमा जाने भएको छ। दिउँसो १ बजेभित्र पुनरावलोकनका लागि जाने गरी तयारी भएको माआवादी केन्द्रका राष्ट्रिय सभा सदस्य एवं वरिष्ठ अधिवक्ता रामनारायण विडारीले बताए।
विडारीका अनुसार माओवादी केन्द्रले सकेसम्म आजै र नभए आगामी सोमवार सर्वोच्च अदालतमा पुनरावलोकनको निवेदन दर्ता गर्नेछ। आइतवार होली पर्वको बिदा छ। सर्वोच्च अदालतले एमाले र माओवादी केन्द्रबीच एकीकरण भएर बनेको नेपाल कम्युनिस्ट पार्टी ९नेकपा०विरुद्ध ऋषि कट्टेलले आफ्नो पार्टीसँग मिल्दोजुल्दो नाम राखेको भन्दै रिट दिएका थिए। सोही रिटबारे सर्वोच्चले गरेको फैसलापछि नेकपाको एकता भंग भएर एमाले र माओवादी केन्द्र पूर्ववत् अवस्थामा पुगेका छन्।
सर्वोच्चले निवेदकको मागविपरीत निर्णय गरेको भन्दै माओवादीले पुनरावलोकनमा जाने निर्णय गरेको हो। माओवादीले अदालतको निर्णयलाई राजनीतिक निर्णयको संज्ञा दिएर पुनरावलोकनमा जाने निर्णय गरे पनि एमाले भने नजाने भएको छ। पार्टीको एकता भंग भएपछि एमाले अध्यक्ष केपी शर्मा ओलीले अदालतको निर्णयविरुद्ध मुद्दा नलड्ने सार्वजनिक रुपमै बताइसकेका छन् भने खनाल–नेपाल समूहले पनि मुद्दा नलड्ने निर्णय गरेको छ।
हिजो वरिष्ठ नेता माधव नेपालले माओवादी केन्द्रका अध्यक्ष पुष्पकमल दाहाल ुप्रचण्डुलाई भेटेर मुद्दा नलड्ने बताएका बिडारीले जानकारी दिए। कट्टेल नेतृत्वको नेकपा २०७० साउन २२ मा निर्वाचन आयोगमा दर्ता भएको थियो।
तपाईको प्रतिक्रिया