बैतडी, १७ चैत । महाकाली राजमार्गमा जिप दुर्घटना हुँदा तीनजना घाइते भएका छन्। दुर्घटनामा जिपधनी दार्चुलाको अपिहिमाल-५ का जनकसिंह धामी, दलवीर धामी र महादेव धामी रहेका छन्। घाइतेहरुको अवस्था सामान्य रहेको खोचलेक प्रहरी चौकीका इञ्चार्ज मोती बमले जानकारी दिए।
कैलालीको अत्तरियाबाट दार्चुला जाँदै गरेको भे १ च ३५११ नम्बरको जिप महाकाली राजमार्गअन्तर्गत बैतडीको दोगडाकेदार गाउँपालिका(३ सिल्लेगडा बजार नजिकै मंगलबार बिहान करिब ६ बजे दुर्घटना भएको हो।
फलफूल बोकेको जिप सडक छेउमै पल्टेको र रुखको आडले रोकिँदा क्षति हुन नपाएको प्रहरीले जनाएको छ। जिपमा चालकसहित चारजना सवार रहेका थिए। जिप चालक दार्चुलाको अपिहिमाल-५ का वीरेन्द्र धामी फरार छन्। उनको खोजी भइरहेको प्रहरीले बताइएको छ। ब्रेक फेल भएर जिप दुर्घटना भएको चौकीका इञ्चार्ज बमले बताए।
तपाईको प्रतिक्रिया