काठमाण्डाै उपत्यकामा लगाइएकाे निषेधाज्ञा जेठ मसान्तसम्म लम्ब्याइएकाे छ ।
आज बसेकाे काठमाण्डाै उपत्यकाकाे तीन जिल्लाका प्रमुख जिल्ला अधिकारीकाे बैठकले निषेधाज्ञा १० दिन थपेर जेठ मसान्तसम्म बढाउने निर्णय गरेकाे हाे । थपिएको निषेधाज्ञा भोलि रातिदेखि आउँदो जेठ ३१ गतेसम्म लागू हुनेछ । निषेधाज्ञा अवधिमा अत्यावश्यक सेवाबाहेक घरबाहिर निस्कन पाइने छैन ।
यस पटक थपिएकाे निषेधाज्ञामा प्रवाधानहरू केही खुकुलाे बनाइएकाे छ । यसअघि थपिएकाे निषेधाज्ञामा खाद्यान्नका पसलसमेत सञ्चालन गर्न राेक लगाइएकाेमा यस पटककाे निषेधाज्ञामा खाद्यान्न पसल पनि खाेल्न पाइने भएकाे छ । तरकारी, फलफूल, खाद्यान्न, दूध डेरी, मासु, खानेपानी, ग्यास पसलहरु, किराना पसल र डिपार्टमेन्टल स्टोर बिहान ९ बजेसम्म खोल्न पाइने प्रशासन कार्यालयकाे विज्ञप्तिमा उल्लेख छ । निर्माण सामग्री ढुवानीका गाडी राति ९ बजेदेखि बिहान ४ बजेसम्म चल्न पाउने भएका छन् । त्यस्तै गाडी मर्मतका वर्कशप राति ९ बजेदेखि बिहान ९ बजेसम्म सञ्चालन गर्न पाइने भएको छ । आदेशका अरू प्रावधान भने १४ गते अगाडिकै यथावत् रहने छन् । कोरोना सङक्रमण नियन्त्रणका लागि गएको जेठ १४ देखि थप कडाइसहित थपिएको निषेधाज्ञा भोलि राति १२ बजे सकिदैछ । काठमाण्डौ उपत्यकामा गएको वैशाख १६ गतेदेखि निषेधाज्ञा लागू भएको थियो ।
तपाईको प्रतिक्रिया