देशभर १५ स्थानमा राजमार्ग तथा सडक अवरुद्ध, ५७ स्थानमा एकतर्फी सडक (सडक सूचीसहित)

मनसुन सक्रिय भएसँगै वर्षा र बाढी–पहिरोले देशका विभिन्न ठाउँमा सडकखण्ड अवरुद्ध भएको छ ।

सडक विभागका अनुसार सोमबार बिहान ७ बजेसम्म १५ स्थानमा राजमार्ग तथा सडक अवरुद्ध छ । यस्तै, ५७ स्थानमा सडक एकतर्फी सञ्चालनमा छ । मनाङमा मात्रै चार स्थानमा सडक अवरुद्ध छ । विभागका अनुसार लमजुङमा तीन, सिन्धुपाल्चोक, चितवन र मकवानपुरका दुई/दुई स्थानमा सडक अवरुद्ध छ । रसुवा र तनहुँका एक/एक स्थानमा सडक अवरुद्ध छ ।